[A:435]bzhes kyi chos sbyin mtha' yas pa zhig gis 'dir ma zad sku tshe ril por 'da' bar mdzad pa rnams kyang / dbyig gnyen gyis/ chos sbyin nyon mongs can min pas/ /mdo sogs ji bzhin yang dag ston/ /ces dang / bslab btus las/ chos kyi sbyin pa zang zing med/ /bsod nams 'phel ba'i rgyu yin no/ /zhes gsungs pa ltar gyi sgo nas legs par 'doms pa sogs gdan sa de'i 'gro don rnams mdzad zin nas rje btsun sgrol mas lung bstan pa'i gnas ngor e waM chos ldan gyi chos grwa chen por dbang rjes gnang sogs kyis skal ldan rnams chos char gyi tshims par mdzad nas/ 'og min stug po bkod pa'i zhing dang mtshungs par rdor 'dzin bye ba'i gtsug rgyan rje btsun rin po che sogs gong ma mang por rje 'brang bcas nas bsngags brjod kyi me tog 'thor bar mdzad pa'i gnas gdan sa chen po dpal ldan sa skyar phebs te/ sa ga'i rnal 'byor dbang phyug birWa pas sa drug gi rtogs pa rnams nyin re bzhin rim gyis brnyes pa'i dus chen dang bstun myong grol bdud rtsi ril bu'i sgrub pa rnams grol rjes/ khal kha chos rje ngag dbang lhun grub dar rgyas la kye rdo rje'i rgyu dbang / ku ru ku lle lha lnga dang 'khor lo bde mchog nag po pa'i dbang rnams dang / gtsug tor 'bar ba'i rjes gnang / 'jam mgon a mes zhabs kyis mdzad pa'i bde kye gnyis kyi sgrub dkyil/ rtsa ba rdo rje'i tshig rkang / gtsug 'bar bstod pa rmor mdzad kyi lung rnams sgyi chu bla ma sgang stod chos mdzad la'ang stsal zhing / gzhan yang rig byed ma dang tshogs bdag thun mong dang thun mong ma yin pa khyad par zhar byung dang bcas pa'i rjes gnang / kag chol 'dod pa'i rgyal po thun mong ba/ dmar chung skor gsum/ mgon dkar yid bzhin nor bu/ ber gcer rnam gnyis/ dud sol ma thun mong ba rnams kyi