[A:436]rjes gnang lung bcas dang / de'i bskang ba sangs rgyas rin chen dang mgon dkar sgrub skor tshar chen/ mkhyen brtse/ ngag dbang chos grags kyis mdzad pa'i lung rnams dang / gzhan yang khal kha tshe brtan rgya mtshor kye rdo rje'i rgyu dus kyi dbang zab mo stsol ba dang chabs gcig zha lu grang chen slob dpon sogs slob bu nyer gsum tsam yang smin par mdzad cing / zha lu pa tshor mkha' spyod rdo rje btsun mo'i byin rlabs gnang ba'i tshe nang mchod kyi dkyil du ba~M yig rang byon 'khrungs pa kun gyi mig gi bdud rtsir stsal ba'i ngo mtshar gyi mdzad pa dang sbrags tshar mdzad sgrub dkyil ljags lung rnams kyi sgo nas las can dag pa'i gdul bya mang po rjes su bzung bar mdzad do/ /de dag gi don bsdu na/ sa 'dzin rtse mo'i gdong du mig stong pa'i/ /khab bzhin bkra ba'i skye dgur chos sbyin sgo/ /brgya phrag dbye zin slar yang mtha'i 'gro'i rgyud/ /smin grol lam du nang gi phag mo bstan/ /zhes kyang smras so// // ! dgung grangs bcu dgur phebs pa me yos gro bzhin zla nang chos sde nyi zla zung sogs la sgrub thabs brgya rgyam gyis mtshon chos char mtha' yas pa zhig dang / gzhan yang grang chen dbu byed/ spor bla ma/ grang chen slob tshab sbyin pa rnams la las gshin bcu gsum ma dang / dpa' gcig gi rjes gnang / bcu gsum ma'i bskang ba/ tshar mdzad bcu gcig zhal gyi rjes gnang / de'i smyung gnas bya btang rjes mdzad pa rnams kyi lung dang yang skabs sna tshogs su gdan sa'i zor las sogs la gur khro bcu/ lha brgyad/ zhal sgrub bsnyen/ pu tra/ de'i zur bka'/ bran bdud/ dkar bdud rnams kyi rjes gnang so so'i yig lung rnams dang / yang ngor gyi 'bul khag bla ma dang nyi shar ba sogs la dmag zor ma dang / dur bdag rjes gnang sogs tshar kha shas stsal bar mdzad cing / de lo gzhan yang chos char mang du