[A:439]mthu stobs dbang phyug nyid kyis bzhes shing / rje nyid dbang phyogs su chibs bsgyur gyis skyer kha tshal zhes par bzhugs stan 'jags te ngo mtshar mkhas grub kyi mdzad par gzhan dring mi 'jog pas dus 'da' bar mdzad skabs shig /de lo gzhis rtser char dkon po zhig byung ba'i rkyen dang / brnyad kyis 'tshol ba'i yang phyir te rje nyid la char 'bebs dgos tshul gsol ba bzhin mdzad ma thag lung pa chus gang ba'i drag char zhig 'bebs par mdzad pas 'dod rgyal gyi sgrar bshos kyi ming la bag tu 'bod pa bzhin skye bo kun gyis da gzod sa skya bdag chen rin po ches bag byin song / zhes gleng ba dang lhan cig dad mos dang dga' mgu lhag par che ba'i dpal la 'god par mdzad/ ces dang / de nas rin rtser phebs skabs tshe dbang zhig dang gur khro bcu'i rjes gnang zhig dbang dA las nas zhus stsal mdzad cing / gnas der pha bong chen mo zhig mchis pa de med pa mdzad dgos tshul gsol ba bzhin la yang / mtshan gang zhig la pha bong de lhag ma tsam las mi snang ba'i rdzu 'phrul 'ga' zhig ston par mdzad ces rgan thog 'ga' zhig gleng bar thos lags pas dgos gal che dus rdzu 'phrul gyi bkod par rdugs pa'i gras ni dam pa de nyid nam yang min pas/ rje rdo rje 'chang nyid kyi gsung las kyang / kho bo ni bla ma gong ma rdo rje 'chang dang zhal mi gnyis pa mang pos rjes su bzung / bsnyen sgrub las gsum mtha' dag rang yid ches nges bgyis pa'i mthu las las bzhi ci sgrub kyang yi dam chos srung gi byin rlabs 'jug nges pa rang yod rung drag las sogs ni cher ma bgyis shing / gal te rdo rje 'chang gi rgyud sde nas bshad pa nyams su len dgos pa zhig yin na'ang mtha' rdugs pa'i gras ni min