[A:440]no/ /zhes yang yang gsung las thos so/ /gzhis rtse phyogs nas ngor du chibs bsgyur gyi skabs dpal rdo rje 'jigs byed zhal phyag yongs su rdzogs pa zhig gzigs shing / thar rtse phebs 'phral thar rtse rdo rje 'chang gi gsung las/ de ring sku zhabs rin po che la las gshin rigs gsum gyi rjes gnang sbrel nas 'bul dgos 'dug pas bka' sgrub da ci nas tshar zin pas gsol ston grol 'phral 'bul lo zhes stsal ba'i ngo mtshar phan tshun 'gran res ni/ sngon gyi dus su rje btsun rin po che grags pa rgyal mtshan dang kha che paN chen shAkya shrI sogs 'khrul zad gong ma'i rnam thar dang mtshungs shing / gzhan du de skabs rnams su sku gegs kyi rnam pa nyam nga ba de dag khro rgyal ma he'i zhal can gyi sgo nas ngal ba 'bras med du mdzad pa ni gor ma chag go /lo de'i gro bzhin grang chen sku rim pa rnams la khro bcu'i rjes gnang dang gtor bzlog gi ljags lung bcas dang / gsang 'dus sgrub mchod dang bstun dbang cha kha shas skal ldan rnams la stsal zhing mdzod 'dzin rgyal mtshan rin chen dus las yol bar byang bu lam ston gyis mtshon rjes 'dzin gyi bgyi ba rnams yang dag par mdzad cing mi ring bar mdzod 'dzin pa shes rab phun tshogs las khur du bka' yis mngags so/ /de dag gi don bsdu na/ zag med bde chen mgon po'i rang zhal gzigs/ /dam pa phan tshun don yod 'chad nyan 'gran/ /nang gi zug rngu'i rang gzugs phyir dbyung nas/ /dad ldan slob bu'i re ba'i yol go rdzogs/ /dbang phyogs yul du e raNDa yi gsog /sngon du mdzad nas tha tshig don gyi 'bras/ /'dren byed bdud rtsir byin yang ma tshims par/ /sna tshogs sgyu ma'i 'khrul