[A:313]yakSha chen po gang gis/ mkhas grub bgrang ba las 'das pa'i sprul pa tshar du dngar ba'i 'khrungs rabs kyi lung bstan stsal ba ji bzhin/ dus 'dir/ sngags 'chang bdud kyi stobs 'phrog ngag dbang kun dga' rin chen bkra shis grags pa rgyal mtshan dpal bzang po zhes/ rje btsun sa skya pa'i bstan pa'i me ro rmad nas gso bar mdzad pa'i skyes chen dam pa de nyid kyi thugs sras rgyal tshab chen po/ /sngags 'chang grags pa'i mtshan can de nyid dang / yum ye shes kyi DA ki ma bsod nams rgyal mo'i sras su/ rnam 'dren bu ram shing pas mu stegs kyi ston pa drug sogs pham par mdzad pa'i cho 'phrul gyi zla ba'i tshes bcu bzhi'i nyin/ dpal sa skya'i bla brang phun tshogs gling du 'khrungs pa nas bzung / ngo mtshar mdzad pa'i legs cha rnams/ de nyid kyi rnam par thar pa las ji ltar 'byung ba ltar gyi 'khrul zad skyes chen dam pa des/ dag snang 'od gsal gyi dbyings nas lkog gyur rjen par gsal ba'i bka' lung de nyid dang / au Di yA na'i slob dpon chen pos byin gyis brlabs pa'i/ sprul pa'i gter ston chen po zung ni/ rang snang klong du gyur pas gzhan snang zil gyis gnon cing / ye shes kyi mkha' 'gro ma rnams kyi gsang lung thugs kyi rgya mtshor sim pas/ dri ma med pa'i lung bstan du gor ma chags pas na/ thog mar slob dpon chen po rdzogs chen bstan pa'i mnga' bdag bi ma la mi tra'i rnam par thar pa cung zad bshad na/ rgyal po bka'i thang yig las/ rgya gar rgyal po dharma rA dza yi: sras mo lha lcam rin chen gsal zhes la: rmi lam bya khra g.yu yi gshog pa can: lus las 'od zer sna lnga 'phro ba yis: dngul bum bdud rtsis gang ba spyi bor bzhag: bdud rtsi blud pas bde bas gang bar rmis: zla ba bcu nas khye'u btsas pa na: bdag nyid skyes pa spangs pa'i bud med la: