[A:312]dga' bde'i dpal ster mkhas/ /snyan pa'i grags pas yongs khyab sa skya pa'i/ /gdung rigs dri med rgyun chad med byon nas/ /phrin las rgya mtsho'i gos su khyab gyur cig /ces pa 'di ni ma 'ongs dus snga phyi gang la 'byon yang / mtshan ngag dbang kun dga' grags pa zhes snyan grags phyogs bcur khyab pa zhig byon nas/ 'khor ba ma stongs kyi bar 'byon 'gyur thugs smon gnang 'dug pas de ltar ro/ /gzhan yang / gter ston chen po kun bzang bde chen rgyal pos rdzogs chen bstan pa'i mnga' bdag bi ma la mi tra'i rnam sprul yin gsung ba dang / gter ston chen po theg chen gling pa karma 'gro don rab 'phel gyis/ lha lung dpal gyi rdo rje'i yang srid yin gsungs pas so/ /zhes gsungs pa de dag gis mdor bstan nas// // ! gnyis pa yid ches bskyed phyir de rnams kyi rnam par thar pa cung zad bshad na/ rtsod pa'i dus kyi rgyal ba gnyis pa 'jam mgon a mes zhabs zhes snyan pa'i ba dan srid rtser brgal ba de nyid ni/ spyi dregs pa'i yang rje gnod sbyin tsi'u dmar po zhes bcom ldan 'das dpal rta mgrin gyis/ sprul pa'i dkyil 'khor chen por dbang bskur zhing / rgyud yongs su smin cing grol bar mdzad pa dang / bye brag grub pa'i slob dpon chen po padma saM bha bas zab mo'i dkyil 'khor chen por dbang bskur zhing / gsang mtshan kun khyab rdo rje drag po rtsal du gsol te/ dpal zan yangs mi 'gyur lhun gyis grub pa'i gtsug lag khang chen po sogs bod kyi gnas chen rnams srung zhing skyong ba'i bstan pa'i mel tshe chen po dang / bstan 'dzin skyes bu rnams kyi phrin las sgrub pa'i bka' tshig rdo rje'i re khA yid kyi me long du dam por bzung ba'i