[A:443]'jigs byed ra lugs ro langs brgyad bskor/ bde mchog gong zhal can/ yab chos rtog pa nas gsungs pa'i ku ru kulle lha lnga rnams rdul tshon gyi dkyil 'khor chen po sgrub cing mchod pa'i sgo nas dbang rnams smin rgyas chos rgyal dges pa'i mchod rdzas su 'bul bar mdzad/ rjes gnang skor la/ bod kyi rdo rje gdan dpal ldan sa skya 'di nyid chags pa'i thog mar gyur pa sgo rum mam/ sgo rim mam/ sgo bsrungs sogs sgra bshad 'jug dang ldan pa'i ye shes mgon po'i drung du lha brgyad thun mong bas 'go drangs/ skabs mtshams ji ltar rigs par/ kha 'u'am kha'ub ces kyang gleng ba'i me 'bar gyi brag la dngos su thim pa'i tsa tu rmu kha bsnyen dus kyi rjes gnang / sngon sngags 'chang chos kyi rgyal por dam nyams lha sa rdzong pas nyin mtshan dus drug tu 'tshe ba'i skabs shig nor skyong yam yum gyis bstan dgra de dag la mngon spyod kyi las mdzad par gzigs snang sogs 'khrungs pa'i ngo mtshar dang ldan pa dpal dur khrod bdag po'i rjes gnang / rje btsun rin po che sogs gong ma mang por mi la mi lab pa'i tshul gyis ci gsung phrin las sgrub pa'i dam can mon bu pu tra'i zur bka'/ yang phur rnam gnyis kyi srung ma dkar bdud lcam dral/ gur gyi mgon po lha brgyad thun mong ma yin pa/ gur khro bcu/ dbang lha dmar po skor gsum gyi rjes gnang sogs yab chos de rnams dang / paN chen dmar po nas brgyud de zhang pa la bka' babs pa'i dmag zor lha mo/ smad lugs g.yor po ba nas brgyud bu ston rin po cher bka' babs pa'i ngal bsos po ser chen lha dgu/ khro dbang rdo rje gzhon nu'i smad las drag po sgrol ba'i