[A:452]pa rgya che mu med du mdzad nas zla mjug dus gtor dang / tshes gcig la gye re mdo mchod gzhis khar gtor spod rdzong ri gnas gzigs sogs dang / bzhi'i snga dro ngor 'bul sdud bla rnying sogs la mkha' spyod ma'i byin rlabs dang / lcang can mgon khang nyams gso gsar bskrun ltar du mdzad/ drug la bdud 'dul mgon khang gtor spod dang chabs gcig zhal bzhi yum chen sring mo bzhi dang bcas dngos su bzhugs pa'i sprul pa'i g.yag rwa lnga sogs mgon khang steng du gdan 'dren gyis mtshan yang bsil tshal mgon khang du mnga' gsol zhing de dang lhun rtse'i gtor spod sogs grol nas/ rang phyogs bu chen pa dang bsnyen gnas ma chos sde ba bcas la bcu gcig zhal gyi rjes gnang dang rgyal sras chos rdzong pas mdzad pa'i smyung gnas po bstod kyi ljags lung / de nas rim bzhin rin sgang gtor spod/ khrom dbang / mkha' spyod ma'i byin rlabs/ rje btsun sa skya pa'i gdung rabs rin po che byon tshul chen mo/ sngags 'chang chos kyi rgyal po'i rnam thar/ rje nyid kyi ljags rtsom gdung rabs zhal skong nyung nguu / sman bla mched bdun/ rnam 'joms/ sme brtsegs/ ser chen lha dgu/ lcags sdong lha mang sogs dbang lung rjes gnang so so'i blo kha rdzogs pa dang / gzhan yang mi grangs dang bstun pa'i lam dbang / bran bdud rjes gnang bcas dang / rdo rje las rim rtsa 'grel 'grel chen 'bum nag /phur pa'i dkyil chog /phur bzlog /gur drag /de'i brgyud 'debs/ las mtha' gsal byed/ dkar cha bzhi/ slob dpon padma'i bla ma'i rnam 'byor/ rje rdo rje 'chang nyid kyi zhal sgo las byon pa'i phur pa'i las bzhi'i sbyin sreg /dmod bskul/ dkar bdud bstod pa rnams kyi ljags lung dang / drag po sgrol dbang sogs te de tsam gyis zhing de'i gdul bya rnams smin grol lam bzang gi dpal la re zhig 'khod zin nas gser can du phebs te ma gcig grub pa'i rgyal mo lugs kyi tshe dbang dang / de nas rim phebs kyis ngor e waM chos ldan 'dus tshogs