[A:451]la khad rigs bdag thar rtse ba nyid phebs pas/ rje rdo rje 'chang thugs dges pa'i gsung las/ bla ma dang yi dam dbyer med du 'grub pa 'di rten 'brel shin tu legs gsungs shing las bzhi'i sbyin sreg sogs grub nas zhal rgyas/ chu stod zla nang 'jam mgon gcung dam par gsang 'dus mi bskyod pa dang / rigs bdag thar rtse bar lcags sdong ma'i tshe dbang rgyas pa/ dkar bdud phur srung dang sgar chen sku 'bring rnams kyi sku bstod/ thugs rje chen po'i mig 'byed gsar rnying bcas kyi ljags lung / khrums zla'i gsang 'dus sgrub mchod dang bstun de'i smin byed kyi dbang rnams stsal zhing / chos ltun mkhan po bkra shis yar 'phel la phyag bzhi/ phyag drug /khro bcu rnams kyi rjes gnang lung bcas dang / dbyug zla'i tshes gnyis nas lam gtor dang drug la gdan sa 'og rtse gdong gi phyogs la chibs bskyod de bcu gcig la rtse gdong du phebs nas zhag gnyis lcang can mgon khang du phrin 'chol zab rgyas kyis bcu bzhis mchod thog gdan sa de nyid du phur pa sgrub mchod gsar 'dzugs mdzad gong gza' skar sogs gzigs yul du ma gyur kyang 'grub sbyor rang 'grig dang grol nyin nyer bdun la'ang 'grub sbyor rang 'grig bcas rje rdo rje 'chang nyid kyi thugs bskyed dang / yul phyogs de'i bde skyid bla nar 'phel ba'i bslu med rten 'brel gyi 'jug sgo bzang por grub cing / de'i tshe rje nyid nas rdo rje slob dpon gyi khur bzhes thog grwa sum cu skor gyis sbyor dngos rjes gtsang theg pa khur blangs su mdzad pa'i rgyun da lta'ang kun gyi spyod yul du gyur pa 'di bzhin dang / 'chams chas sogs mkho dgu'i yo byad/ mchod pa bsnyen bkur/ 'dzugs ston sogs gya nom