[A:456]pa/ drug cu pa drag bskul yongs rdzogs bcas kyi ljags lung / rgya khag bla mar sgrub thabs brgya rtsa dang seng gdong sngon mo'i rjes gnang lung bcas shar ri mnga' bdag la 'jam dbyangs dmar ser/ tshe rta sbags sgrub/ lcags sdong lha mang rnams dang chu mo sprul skur yang a ra pa tsa na lha lnga dang / 'jigs byed ro langs brgyad bskor gyi dbang / bya gshongs mkhan por grub rgyal ma/ lam dbang sogs te mdor na bstan pa'i bya ba thos bsam sgom gsum dang / mkhas pa'i bya ba 'chad rtsod rtsom gsum gyis rnam pa thams cad du dus 'da' bar mdzad pas dgung grangs bcu gnyis nas nyer gsum 'di'i bar du'ang kye rdor rgyu dbang tshar lnga bcu nga bgrangs/ lam dbang nyi shu lhag tsam/ bde mchog nag po pa'i dbang bcu lhag /gsang 'dus mi bskyod pa bdun tsam/ bdag med ma drug /phur pa'i stod las bcu/ smad las bzhi/ mkha' spyod ma'i byin rlabs nyi shur nye ba/ kun rig dang tshe dpag med lnga drug sogs dang / rjes gnang ljags lung rnams ni bgrang ba las 'das pa zhig bka' drin cheb gong lo khams so sor 'khod pa ltar dang / gzhan yang rje rdo rje 'chang nyid kyi thugs nyams su nyin zhag phrugs rer sgom sgrub chag med kyang nyer bdun tsam re bzhes par mdzad pa ste/ de dag kyang rje nyid kyi gsung las/ snang srid sgyu mar shes pa'i kun blo yis/ /zhes gsung pa bzhin snang srid sgyu mar rtogs te spang gnyen ro gcig khyab bdag sku bzhi ye shes lnga ldan gyi go 'phang brnyes su zin kyang / gdul bya rnams la don 'di dag 'doms par mdzad pa ste/ ci'i phyir zhe na/ bdag cag gi ston pa mnyam med shAkya'i rgyal pos/