[A:457] srid gsum mi rtag ston ka'i sprin dang 'dra/ /'gro ba'i skye 'chi gar la lta dang mtshungs/ /skyes bu'i tshe srog nam mkha'i glog 'dra ste/ ri gzar 'bab chu bzhin du myur mgyogs 'gro/ /zhes dang / zhi ba lhas/ 'di 'dra'i dal ba rnyed gyur nas/ /bdag gis dge goms ma byas na/ /'di las bslus pa gzhan med de/ /'di las rmongs pa'ang gzhan med do/ /zhes dang / ngor chen dkon mchog lhun grub kyis/ rnyed dka' don ldan dal 'byor thob dus 'dir/ /tshe 'di'i phun tshogs sgrub la ma chags par/ /long med 'chi ba dran pa'i brtson 'grus kyis/ /dam chos snying nas sgrub par byin gyis rlobs/ /zhes sogs kyi don bzhin legs par gdams te bstan mkhas kyi bgyi ba la dus rtag tu gzhol ba'i bdag nyid chen por lhun gyis grub bo/ /de dag gi don bsdu na/ 'chi med bde 'byung thod yangs nam mkha'i klong / /bsam 'grub bdud rtsir 'dzag pa nges don gyi/ /zla gzhon nyid thugs chu gter 'phel ba'i slad/ /bla ma yi dam dbyer med ngang du 'khrungs/ /dbang phyogs dam pa'i gdan sa kun da'i tshal/ /rgyal sras spyod pa bdud rtsi'i zer phreng gis/ /snod bcud lha mi'i sde bcas rgyas pa'i bzhin/ /dkar 'dzum mchod sdong rgyun de da dung gsal/ /kun tu don yod chos kyi 'khor lo ni/ /bar med bskor la sgrun zla'i dpes skyangs te/ /da gzod dam pa'i mgon po nyin skar tsam/ /kye ma ma hA gu ru slar bzhengs shig /ces kyang smras so// ! dgung grangs nyer bzhi pa chu spre'u gsar phral bzhugs thab lhor sbo gnang dang / de lo mus chen bsod nams dpal bzang dang zhal dkar ngag dbang lags la bka' 'doms bzhin gur gyi mgon po'i las sbyor thun mong ma yin