[A:460]skabs shig gser gyi rdo rje gnyis phyag tu 'bul mkhan zhig 'khrungs pa rnams kyi 'bras bu mngon gyur kun gyi spyod yul du gyur pa 'di bzhin dang / smin zla'i bcu gsum la bdag mo phebs pa'i ston mo gzhas sogs gzabs 'chor dang / khyad par gong sa rin po ches gzim 'gag 'dod 'jo sku tshab tu ched mngags kyis legs gsol tshad med stsal ba sogs gzhis byes mtha' dag nas rten 'brel gyi sgo brgya phye bar mdzad skabs cung zad 'tshub nyams kyi rtags 'ga' zhig kyang byung zhing / de nas gzhung zhabs mchog nas zhol khang chos mdzad ched mngags kyis zhag shas gsung bskang nyin gang mtshoms chen du mdzad pa'i dbu dang / mdos chung mdos chen sogs gang gi bka' yis 'jam mgon gcung dam par legs par 'doms so/ /de dag gi don bsdu na/ snod bcud phun tshogs gling du mi mthun gegs/ /mthar dbyung nag po chen po'i ngo bor bzhengs/ /slar yang gdug can 'gong po'i kha gnon che/ /drag po dmar chen sreg blugs bcas la gzhol/ /de tshe dpal mgur grol ba'i gzigs mo ru/ /rigs bdag nyid kyang lhags shing bdud rtsi gsol/ /'phags chen bsti ba'i pho brang rten brten pa/ /gsar bskrun byin rlabs me char dbyings nas g.yos/ /chos dbyings mnal ma'i dgongs zab 'gengs pa dang / /me 'bar gnas su grub mtshan gsal bar bstan/ /'byung 'gyur re ba'i rten 'brel 'jug sgo brgya/ /ci yang tshar du dngar ba thugs mtshor bskyil/ /zhes kyang smras so// ! dgung grangs nyer lngar phebs pa chu bya rta zla'i tshes gcig la rlung chen tshad med byung ba bal yul nas gzhan la me 'jug byas par gleng zhing / de nas mang mkhar gnas gsar bas 'chams gzigs 'bul dang / tshes drug nas bzung yongs rdzogs