[A:461]bstan pa rin po che'i nyams len gsung ngag rin po che lam 'bras bu dang bcas pa'i gdams ngag 'jigs bral stobs kyi mgon po dpal ldan birWa pa nyid la ye shes kyi mkha' 'gros dngos su stsal ba'i man ngag mkha' 'gro'i zhal rlangs can thog mar 'chad pa'i sgo dbye bar mdzad de/ zhal slob kyi gtso bo 'jam mgon mthu stobs dbang phyug gi dbu g.yas skal ldan rnams la zla gsum tsam gyi ring stsol bar mdzad pa'i chos kyi rnam grangs ni rje rdo rje 'chang nyid kyi ljags rtsom gdung rabs rin po che'i zhal skong nang gsal bzhin dang / snron zla'i tshes lnga nas 'bum thang gtsug lag khang rten brten par bcas nyams gsos 'bum dngul gdung du bskrun pa ring bsrel rnam bzhis phyur por bkang ste sa rgyan gnam rgyan mchod spyad gdan rabs sogs ngo mtshar gyi bkod 'doms bla na med pa'i 'go tshugs par mdzad/ de mtshams nas gsol thab lhor spo gnang gis chu stod zla nang rje btsun rig byed lha mo sngon mo'i char 'bebs la thug gzhol ba'i skabs shig /rdo rje phug na 'jam mgon mthu stobs dbang phyug nyid de sngon nas sku snyun pa'i 'phrod gzhes gnang mur rje nyid la 'phral du phebs brda zhig byung bar rtab rtab por byon pas sku rlung gi rnam pa 'dra mos dran med du bzhugs 'dug pa la rje nyid nas thabs sna tshogs kyi 'du ci yang zhig mdzad pas/ dar tsam nas ljags dbugs kyi rgyu ba sleb tsam byung zhing / de skabs thar rtse dang gnas gsar rje gnyis char bzhugs pa la skyabs 'jug ljags gul gsung brtag bcas zhu gnang la gnyis ka'i gsung du 'phral 'tshubs las skyon mi yong gsung ba bzhin phyi dro nas thugs dam mdzad khul dang / mi ngo ni cher mi mkhyen cing gsung yang mi mdzad pa bcas rje rdo rje 'chang nyid nas bcar bzhugs kyis nyin gang khyol/ mtshan mo zham 'bring pa rnams sku drung du