[A:464]'bar/ gnas bcu/ legs ldan mched gsum/ bka' gdams lha bzhi/ sme dud/ dmag zor ma/ rdo rje rab brtan ma'i rjes gnang rnams dang / lung la/ rje btsun sa skya pa'i gdung rabs rin po che byon tshul/ bde mchog chos 'byung / lU nag dril gsum gyi bskyed rim rnam bshad/ mkha' spyod ma'i sgrub dkyil rnams a mes zhabs kyis mdzad pa/ rje btsun rtse mo dang grags pa rgyal mtshan gnyis kyis mdzad pa'i dril bu dbang chu sgrub thabs/ kun mkhyen gyis mdzad pa'i mngal sgong gnyis kyi sgrub thabs/ dmag zor ma dang rdo rje rab brtan ma gnyis kyi bskang gso'i lung rnams stsal ba sogs nyin mtshan khor yug lta bur chos kyi 'khor lo bar med du bskor bar mdzad pa yang / ji skad du/ gang la phan phyir nga yi chos/ /tshul bzhin bstan pas mchod 'gyur gyi/ /me tog byug pa mar me yis/ /rgyal ba yang dag mchod ma yin/ /zhes dang / byams pa seng ge sgra'i mdo las/ gang gis ganggA'i bye snyed sangs rgyas zhing / /rin chen bdun gyis yongs su bkang byas nas/ /dga' rab sems kyis rgyal la phul ba dang / /gang gis sems can gcig la tshigs bcad byin/ /rin chen sbyin pa shin tu rgya chen des/ /tshigs bcad byin pa snying rjes bsgrubs de la/ /char yang mi phod bgrangs su'ang ma yin na/ /gnyis dang gsum du bsam du ga la yod/ /ces pa dang / ganggA'i bye snyed 'jig rten gser dag gis/ /bkang ste gang la sbyin pa byin pa bas/ /dus ngan tshe na tshigs bcad gcig brjod pa/ /de yi phan 'dogs ci 'dra de la med/ /ces dang / seng ges zhus par/ chos kyi sbyin pas skye ba dran/ /zhes gsungs pa sogs bstan la byi dor gtsang ma'i cho gas dus 'da' ba las gzhan pa'i rang don nyi