[A:465]tshe'i bsam sbyor ni rje dam pa de nyid la rmi lam tsam du'ang mi mnga' zhing / de nas 'char 'phar gyi thugs brel spyi dang bye brag la gzhol bar mdzad pa'i skabs so/ /de dag gi don bsdu na/ DA ki'i zhal rlangs 'thul ba'i gsung ngag gi /cha lag dang bcas zil dngar drod gsher dus/ /skal ldan blo gros gshin po'i zhing sa cher/ /rnam grol thar pa'i sa bon dang po bskrun/ /rim bskyed myu gu mchog la mi mthun rlung / /grang reg gtum po thugs rje'i tsha zer gyis/ /sbyong tshe rnam 'dren zung gi gsang ba'i lung / /phan tshun rtse dgar chas pa'i bshes su gyur/ /thar pa'i rtser son grub dbang gsang lung gis/ /mgon khyod zhing bcas 'byung 'gyur tha tshig bsnyad/ /ya gyal 'dren pa'i gsung gsang lhag ma'i bcud/ /ngom med gsol nas 'gro rgyud smin cing grol/ ces kyang smras so// // ! dgung grangs nyer drug tu phebs pa shing khyi'i dpyid chos grwa lho byang sogs skal ldan mang por gsung ngag rin po che lam 'bras bu dang bcas pa thang gnyis pa stsal skabs gsung ngag sngon mar ma gnang ba'i lung rjes gnang sogs mdzad pa'i rnam grangs ni/ gsung ngag rin po che byung tshul dang kye rdo rje'i bsnyen thabs gnyis a mes zhabs kyis mdzad pa/ rje nyid kyis mdzad pa'i brgyud 'debs rnams kyi kha skong sgar chen dang kun dga' dbang rgyal gyi gsol 'debs/ rtse gdong bdag chen gsum gyi sku bstod/ yab rje'i sku bstod skyabs gnas ma/ rnam thar gsol 'debs/ gnas gsar rje dang thar rtse rje'i sku bstod/ de gnyis kyi zhabs brtan/ sangs rgyas ye shes kha'u pa a Ni drung bcas kyi gsol 'debs rnams dang / kun mkhyen gyis mdzad pa'i bdag med ma'i sgrub thabs dbang