[A:474]byin pas ni zag pa zad pa'i mngon par shes pa rnam pa dag par 'gyur ro/ /zhes dang / rin chen phreng bar/ chos kyi ched dang de bzhin du/ /gzhung gi don dag dran pa dang / /chos kyi sbyin pa dri med pas/ /tshe rabs dran pa thob par 'gyur/ /zhes sogs mang du gsungs pa'i don yang thugs la 'dogs par mdzad do/ /de nas mgon khang khag bzhir phrin 'chol sogs sngon 'gro'i dbyug zla'i nyer lnga'i nyin rje rdo rje 'chang sku mched rin po che zhal rnam pa gnyis sku 'khor ba rnams dang bcas gtsang dbus su chibs kyi kha lo bskyod par mdzad pa de ni rje nyid kyis dbus phyogs su phebs thang gnyis pa ste maNDal du gsol tshigs dgon rgyas su bzhugs zhag de nas rim bzhin lcang gshongs dang rgya mdud/ sred rgod dang lcags ri/ snar thang dang gzhis rtser zhag gsum/ nam tshang dang gser can te der gang blo ma'i rig gtad zhig stsol bar mdzad/ de nas gling phu ba'i gzhis dang rtse gdong du zhag bcu gcig /der tshe dpag lha dgu/ kun rig /lam dbang / khrom dbang / pu tra'i zur bka'/ bran bdud rnams bka' drin che nas snum ri dang rgya ma kha/ nya mo dang se shing kha/ khu lung dang rin spungs su khrom dbang / byams chen du 'byung 'dul gyi rjes gnang dang ngur smrig /chu tshad kha dang ram pa/ lung bzang dang dpal de'u/ phan la rtsa dang shags smad/ chu shur dang gsal byed rdor gling / gnam dang snye thang bkra shis sgang / stod lung mda' dang lha sar zla gcig zhag bdun bzhugs shing de'i tshe gong sa rin po che cung zad sku ltem tshul bzhes skabs yin gshis mjal phyag sogs ji 'dra yong ngam gsung mu dang / rong sner phebs dus rgyal rtser 'brum dogs sogs gang sar yid gnyis kyi khyogs la 'chang bzhin par phebs kyang rgyal ba yab sras bka'i dgung blon rnams sogs che btsan tshang mas gzigs bskyangs phun sum tshogs pa dang / spyir sger lha sde mi sde drag gzhan mtha' dag nas zhabs kyi padmor