[A:475]'dud cing phu dud che ba sogs te/ ji skad du/ dam pa rgyang na gnas na yang / /'khor 'dab phan pas ring nas skyong / /zhes dang / rgyal po rang yul che ba tsam/ /dam pa gang du phyin sar bkur/ /zhes rten 'brel gyi chos nyid du mchis lags pa dang / lhag par gru 'dzin pho brang chen po nas kun gzigs bdun pa chen pos bdag rkyen dbu 'don gyi mdzad pas spyir bag dro zhing / yang sgos de sngon gzhan nas mjal phyag zhus pa'i nyen bslangs/ sku khams la gnod pa 'dra yang byung tshod mchis kyang rje rdo rje 'chang zhal rnam pa gnyis la phebs phyag gnang ba'i nub mo mtshan gzim 'jam pa dang / zhabs brtan phul ba nas sku la yar bskyed bzhes pa sogs gong sa de nyid kyi rnam thar lcang skya rdo rje 'chang gi gsung rtsom de na'ang bsngags brjod bcas 'khod par gnang 'dug pa bzhin rje rdo rje 'chang chen po de nyid ni dus dang gnas skabs thams cad du grub mtha' ris su ma phyed pa'i mkhas grub la gus shing / de dag gi gsung gi bdud rtsi bzhes pa'i dbu bla yang gong gsal ltar dang / khyad par rgyal ba yab sras 'di rnams snyigs dus bstan 'gro'i mgon du bsams bzhin phebs pa yin dgongs pa'i thugs dad rang byung bcos min du mchis pa'i rten 'brel gyi gnad dang / 'phags mchog phyag na padma nyid kyi thugs rje rnams lhan cig 'dzom pa'i ngo mtshar bla na med pa las byung ba'o/ /de nas 'dzam gling skye 'gro kun gyi bsod nams kyi zhing mchog dam pa dang / yang sgos bod kha ba can pa'i bsod nams kyi bgo skal du rnyed pa jo bo rin po che'i sku drung du rab gnas chig sgrub mdzad pa de'i tshe/ gang gi gcung rin po ches gzim chung khams gsum du sme brtsegs kyi sku khrus dang / spor sde par lam zab bla ma'i rnal 'byor dang kye rdor bsnyen thabs kyi ljags phu lung / gong ma bdag po chen po'i sku tshab shu am pas mjal zhus thog 'jam