[A:477] gdan sa nas phebs gong du 'jam mgon gcung rin po che'i gsung las/ da lam nga'am mthu stobs gang rung zhig phung po dbus su bzhag 'gro gsung pa'ang lkog gyur rjen gsal gyi lung bstan 'khrul med du byung ba dang / gang ltar gnas de'i mdzad sgo rnams grub ste rim phebs kyis gar ba dang yer par bla ma zhi khro/ 'brom stod dang dpal 'byor lhun po/ dga' grong dang glang thang / bco brgyad bla brang du bdun phrag gcig bzhugs gnang gis zhal ngo drug la rdo rje rab brtan ma'i rjes gnang / yang zhal ngo zhabs phyi drag gras dang na lendra'i grwa 'ga' bcas la mkha' spyod ma'i byin rlabs tshar gnyis/ yum la kun rig gson byang dbang bcas dang tshe dbang grub rgyal ma tshe rta zung 'brel rnams dang / 'phan yul smyung gnas pa rnams la bcu gcig zhal gyi rjes gnang dang smyung gnas lung / gzhan yang khrom dbang gnas bcu'i rjes gnang rnams dang / gzim 'og tu mi g.yo ba dkar po'i rjes gnang / de nas blang thang du khrom dbang dang rgyal rtse zhol/ lcags ri khra mo dang stag rtse/ rgya mda' dang sgrub rnying du zhag gnyis/ chos sder yang de bzhin khri khang du zhag gcig ste sgrub rnying du 'byung 'dul dang khrom dbang / chos sder 'byung 'dul me dbang dang khrom dbang / mkhan po sogs la 'jam nag rjes gnang / khri khang du dza sag 'khor bcas la bla ma zhi khro dang sku ngor sgrol dkar/ dum ri chos sder ltung bshags/ byams smon/ smon lam bcu pa/ byams pas dam bcas pa'i gzungs/ mi mjed ma/ sgrol bstod nyer gcig rnams kyi ljags lung bcas stsal zhing / de nas la mo dang btsang thog dge ldan gnas gzigs/ sa sgang dang bde chen du sgrol bstod gyi lung / sbus mgo dang skyid gshongs/ g.ya' ma lung dang bsam yas su bzhugs zhag nyer gnyis mdzad cing / shing phag lo mjug der sku rten phrin las par chos skyong