[A:478]zhal mi gzigs pa zhig byung ba ni 'gyangs min nas 'dzam gling bstan 'gro'i mgon po gong sa rin po che dang 'jam mgon mthu stobs dbang phyug gang nyid sku zhi ba'i dbyings su phebs pa'i ltas dang / de'i dus su sku phebs thog rje rdo rje 'chang nyid la chos skyong gi dbu btsugs nas bka' bsgo dam bzhag mdzad dgos zhus pa bzhin gnang ba nas bzung yang yang sku phebs par grags lags/ gnas der chos sgo dbye bar mdzad pa ni/ dpal 'khor lo bde mchog nag po lugs kyi dbang chen tshar bzhi/ phur dbang tshar drug /drag po sgrol dbang / khrom dbang / kun rig dbang tshar gnyis/ mkha' spyod ma'i byin rlabs gsum/ rta mgrin jo lugs dang lha brgyad rjes gnang / chos spyod rags rim/ gdugs dkar bcas kyi ljags lung rnams dang / 'jam mgon gcung rin po che nas kyang kye rdor rgyu dbang tshar drug /rta mgrin skyer sgang rjes gnang bcas stsol bar mdzad/ de dus dbu rtse rigs gsum gling bzhi gling phran gtsug lag khang rnams la/ rab gnas cho ga'i sgo nas me tog 'thor bar mdzad dus thal rlung cher g.yo ba sogs 'tshubs nyams 'ga' zhig byung bas gter ston chen po kun bzang bde chen rgyal por gang ci'i brtag zhu mdzad pas mjam mgon gcung rin po che nyid khong gi chos bdag tu gter lung las/ nub nas sa skya'i gdung brgyud byang chub sems/ /zhes lung zin de yin tshul dang sku tshe'i tshad ma nges gsungs pa'ang mngon gyur du go zhing / rje rdo rje 'chang nyid la/ so bdun zhe lnga 'phrang la tshe sgrub dang / /tshe dpag med sku stong rtsa bzhengs shing mchod/ /'phrang sgrol drug cu re dgu'i sku tshe'i tshad/ /gsung ba byung yang skye 'gro'i bsod nams ngan pa'i snod du seng dkar gyi 'o ma bzhin der bas so/ /mgo zla'i nyer gnyis la sa skyar 'chi med bu khrid dam chos mtshan 'chi med bstan pa'i nyi ma 'di nyid sku