[A:499]'jags kyis phyag nas grangs gsog dang sbrags sku gshegs kyi zhal chems bzhin dri med rnam gnyis mi 'khrugs lha dgu rnams rdul dkyil thog nas ci rigs dang / phyi dro'i tshe mgon khang du slad kyi phrin 'chol sogs la thugs brtson mdzad/ de nas rje rdo rje 'chang gi thugs dgongs la sku gshegs de'i zhe dgu zla mchod sogs la dge ba rgya cher ni mdzad zin/ lo mchod kun rig ni btsugs/ gzhan dge rgyun rang ma byung yang chog /da ko gdan sa mdzes rgyan dngul gdung khyad 'phags shig byung na sku gshegs kyi dgongs pa rdzogs thabs kyang de bas lhag pa med pa dang / khyad par gdan sa chen po 'di la zhabs tog tu dgongs te thog mar dus mchod gtsug lag khang bkod legs mdzad rjes der bzhugs yul bgyid 'khrungs par sku dogs che skabs shig gso mi rung ba'i rgyu mtshan sogs snyan sgron bzhin lha mthil sprul pa'i gtsug lag khang chen por sku gsung gi rten khyad mtshar bzhugs kyang thugs rten khyad 'thon ma bzhugs par dgongs/ mchod sdong 'dzam gling 'od gsal 'di nyid bzheng rgyu'i thig rtsa thar rtse paN chen gsung la sangs rgyas phun tshogs kyis mchan gnang bzhin mdzad rjes byang chub mchod rten gyi shing bkod sogs bka' yis 'doms rjes/ dbyug zla'i nang chos gra lho byang pa/ yul chen pa/ nyi shar pa/ chos lhun pa sogs brgya skor la gsung ngag rin po che lam 'bras bu dang bcas pa'i smin grol bsdus tsam zhig mdzad pa ni 'di nyid 'chad thang gsum pa'i skabs so/ /'di lo mthong ba don yod nyams gso gsar bskrun lta bu'i gtsug lag khang steng ma gsar bzhengs kyis phebs 'grul skabs phyag 'byor gyi sku rten rnams bzhugs su gsol/ de mtshams nas 'dzam gling na blo ldan gzur gnas kun gyi bsngags