[A:500]brjod kyi me tog 'thor zhing 'dud pa'i yul du gyur pa mtshan mchog gsum ldan gyi gdung rabs rin po che 'jig rten na phan bde'i btsas su che ba 'di nyid spel ba'i phyir sdom brtson ngur smrig gi brtul zhugs las slar ldog ste sngags 'chang gos dkar lcang los mdzes pa'i skur bzhengs su gsol bar/ lcang skya rdo rje 'chang / gnas gsar rdo rje 'chang / 'jam mgon dpal ldan chos skyong / gzhung zhabs rin po che dgung blon chen po rnams dang bcas sde dge sa skyong / zhu chen rin po che rnams kyis thog drangs mdor na rje btsun sa skya'i bstan pa rin po che thugs la bcangs so cog nas gdung brgyud rin po che'i sku che ba'i lo rgyus zhib gleng gis jeng drangs te/ gdung 'dzin gyi go sa rin po cher phebs dgos pa'i gsol 'debs nan tan chen pos mdzad pa'i rkyen dang / rje rdo rje 'chang nyid kyang snyigs dus kyi bstan pa'i me ro gso ba la sngags 'chang chos kyi rgyal po dang 'jam mgon a mes zhabs kyi rnam thar lhur bzhes don thog tu 'gyur ba'i thugs bskyed dang / skye 'gro'i bsod nams mi dman pa sogs sgo du ma nas rten 'brel 'grig ste ston mjug gza' skar legs mdzom thog chos lung rgyal po'i sras mo gzhon pa phun tshogs tshe ring de nyid gsang rgya 'dzol med du padma 'dam na gnas kyang 'dam gyis ma gos pa bzhin du khab bzhes mdzad/ mgo zla nas bzung rje nyid kyis rje btsun sa skya pa'i gdung rabs myur 'byon sku rim du gdugs dkar nyer bdun ma'i sgrub mchod brgya tshar grangs gsog dang bdag mor kye rdor rgyu dbang dang de tshe dpag med lha dgu'i dbang / sgrol ma nyer gcig sogs rjes gnang kha shas/ khyad par so sor 'brang ma'i rjes gnang brgya tshar rnams mdzad pa tsam nas bzung rje btsun sa skya pa'i gdung brgyud rin po che ma 'ongs srid mtha'i bar du 'byon pa'i ched kho nar gnang ba'i mdzad pa gcig pur bltas kyang sku tshe ril po byol ba dang 'dra