[A:502]sel dogs zon zab: /lha phur pa bsgrub na mchog tu shis: /rkyen der grol bod khams phan bde spel: /zhes sogs kyi lung dang auDy-in padma'i tshe chu ngo ma lo rgyus bcas stsal ba bzhes shing / de dang chabs gcig rnam rgyal gyi sku gzungs 'bum ther bzhugs pa'i rnam rgyal mchod rten bzhi bzheng dgos tshul bzhin ngo mtshar rten bzhi'i gras rnam rgyal sku 'bum gyi byang ngos su mchod rten 'di bzhi bzhengs gnang dang / brgya dpon bkra shis 'od zer nas rab gnas brgya tshar mdzad/ chu stod zla nang nas bzung rje btsun sa skya pa'i gdung rabs myur 'byon ched du gzungs gra lnga'i sgrub mchod brgya tshar mdzad pa'i cho ga rer gtso mo'i sngags nyis brgya nyer gcig dang / lha mo bzhi'i sngags zhe gnyis re 'khor sngags nyer gcig re bcas dang bstun bdag mor dbang bskur brgya tshar mdzad mu'i zla nang der ri khrod ma'i bum chog ljags rtsom gsar bsgrigs steng thog mar gnang ste/ sgo rum du gsung bskang dang sbrags gsang rgya'ang grol zhing phun tshogs gling du phebs/ mi ring bar rje nyid kha'ur sman chab la chibs bskyod skabs kyang gra lnga'i sgrub mchod chag med mdzad rgyu'i chas rnams 'gel khal dre'u phyir log pa sogs 'tshubs nyams 'ga' zhig byung ba ni bdag mo de yun ring mi bzhugs pa'i ltas dang / gro bzhin phur sgrub grol nas mkhan chen gsar bsko dang bca' yig le tshan du ma 'di rnams ljags bsgrigs mdzad/ khrums zla'i nang shing bzo tshang ma grub pa'i yar tshes dge bar rje rdo rje 'chang nas bum gter rigs lnga/ rgyud sam pu Ti dang dpa' bo grub pa nas gsungs pa'i sa g.yos thog bsrung gnod sbyin 'khor lo sogs nan tan sgrub gnang rnams sa stegs kyi dbus dang phyogs mtshams rnams su bkod bzhin bzhugs pa dang / khyad par gnod sbyin bang mdzod dngos po bzang dgu phongs med spungs par mdzad