[A:501]ba lags so/ /de dag gi don bsdu na/ gnam lo sgra gcan 'bar ba'i glang dar gyis/ /kha ba ri pa'i legs byas gsog pa'i rten/ /phyag na padma 'jam dbyangs nyi zla zung / /kho bo'i snang ba 'phrogs so kye ma hud/ /'on kyang drang srong chen po'i bka' lung gis/ /bde gshegs bstan pa byang phyogs 'phel ba dang / 'grib pa'i tshul gsungs rdzun bral tha tshig la/ /kun kyang re zhig ngal bso bsten pa'i grogs/ /ngan de'i gnyen por dam bcas byang chub sems/ /dpal gyi rdo rje slar byon tshar bcad dang / /mnyam du bstan pa'i me ro nyer gsos te/ /dgongs dbyings rdzogs pa'i snang ba'i zer phreng sbyin/ /gsung ngag legs bshad 'dab ma grol ba dang / /sngags 'chang utpal dkar po'i gos bzang can/ /sngon med gsar du bzhad pa'i dge mtshan ni/ /srid gsum che dgu'i gtam gyis bsus par nges/ /zhes kyang smras so// // ! dgung grangs sum cur phebs pas stag dpyid 'go mar gong bzhin gyis bla ma yi dam sogs kyi sku par rnams dang / rje rdo rje 'chang nyid nas sku par stong du nye ba/ mchod pa rgya mchod dgu bsdoms nyis brgya skor 'debs par mdzad/ rta zla nas mchod sdong gi zangs dngul/ gser/ phra rgyan sogs bzo gra'i bka' 'doms mdzad pa'i zangs dngul gser phra rgyan skor rje nyid kyi zhal sgo las byon pa'i gdung rabs zhal skong bzhin dang / de'i tshe gzhung zhabs rin po che/ sde dge sa skyong sogs drag zhan du ma/ zhal ngo so so/ chos sde nyi zla zung sogs dgon sde mang po phyag gnyer drung gras/ bla gnyer tshang gzhis mi ser skya sogs kyis phra rgyan gser dngul zangs sogs mang po'i zhabs 'debs phul/ nag zla nas bzung rje rdo rje 'dzin nyid kyis rnam rgyal stong mchod ji song bar gsog gnang skabs/ gter ston rig 'dzin tshe dbang bkra shis kyis/ de'i gter chos zhig gi lung bstan las/ sa skya bo'i nang gi kun dga'i ming : rkyen bar chad dam