[A:509]bar bltas nas sku tshe ril po khyol ba dang 'dra bar mdzad pa gzhan rnams kyang 'di dang cha 'dra na'ang mang bas 'jigs te rgyas par spro ma nus/ de nas gser dngul sogs kyi g.yogs ma grub pa'i shing 'bum de nyid la/ thub bstan lha chen gyi mkhan rabs nyer bzhi pa brtson 'grus ye shes kyis kye rdor rab gnas 'bring po brgya kha yar dang / mgo zla nas rje rdo rje 'dzin nyid kyis gshed dmar sgrub mchod brgya tshar gyi dbu tshugs par mdzad do/ /de dag gi don bsdu na/ rigs rus phun tshogs 'od gsal lha lam nas/ /sku mched nyi zla'i gzigs pas bstan 'gro'i tshal/ /'byed snang nyin mtshan brdal ba'i ngo mtshar gyi/ /ya gyal sngags 'chang gos dkar kunda'i gnyen/ /'dzam gling bsod nams mig gis mi mngon dbyings/ /'dzegs phral pad dkar spungs pa'i ring bsrel gyis/ /nyer gtams chos sku'i rten gyi za ma tog /br-ikShas spras pa'i phyi rol mchod sdong smin/ /dam ye dbyer med byin rlabs spro bsdu mkhan/ /phun tshogs rten 'brel lhun grub tsha zer dbang / /gang 'dul sku yi zlos gar gling bzhi ru/ /sgyur mdzad drin can bla ma rdo rje 'chang / /zhes kyang smras so// ! dgung grangs so gcig tu phebs pa sa yos dpyid gser sku rdo rje 'chang gi bzo gra dang rim gyis gser zangs g.yogs rnams mdzad mu'i dbo zla nas gong gi gshed dmar sgrub mchod 'phro sa ga tsam la grol bar mdzad pa'i dngos chog brgya dang dgu la gtso bo'i nye snying chig 'bum chig khri bdun stong chig brgya nga gnyis/ gtso bo'i snying po rtsa sngags yum dang 'khor sngags rnams chig khri sum stong chig brgya nga gnyis re rnams ljags bzlas su bstar zhing / rta zla sngon ma'i bcu bdun la sde dger dpal ldan chos skyong dang phyi ma'i bco brgyad la tshe 'dzin dpal bskyed bu 'khrid dam tshul khrims dpal rgyas dbang mo'i yum