[A:510]phun tshogs tshe ring ma gshegs pas snga ma'i nyi dros tsam la sa skya'i nam mkha'i dbyings thams cad sprin kha dog lnga ldan sngar mthong ma myong bas gang ba zhig byung dus 'jam mgon de zhing brjes pa rje nyid kyis mkhyen pa dang bcas/ rje de'i dgongs rdzogs su lo star dus dran gyi thog byams chos sde lnga klog 'don yang mdzad/ dbo zla'i nang phun tshogs tshe ring ma'i dgongs rdzogs su 'jam dbyangs kyi sman sku ngo mtshar can 'di'i sku rgyu rten 'dam dpe bral mar grags pa sogs byin rlabs phon che ba dang rin po che dang sman sna'i tshogs kyi phye ma 'jim par bsres nas rje btsun rin po che grags pa rgyal mtshan gyi nang rten 'jam dbyangs gzi 'od 'bar ba'i sku dbyibs 'dra gang lon mdzad nas ring bsrel rnam bzhis phyur por mdzad de rab tu gnas pa'i byin rlabs kyi gzi byin g.yos te bzhugs su gsol ba dang / yang a Ni'i drung kun dga' bstan pa'i nyi ma dang rje nyid kyi yum mchog bsod nams dpal gyi dbang mo zung gi nang rten dngul gdung rin po che byang chub mchod rten phyag tshad can dbu zhabs bar gsum gyi gzungs ring bsrel/ sku gshegs zung gi gdung 'dam la sAtstsha/ bla ma yi dam sangs rgyas byang sems chos srung nor lha'i sku par grangs mang bskrun pa sogs kyis gtams te phra rgyan mchod rdzas dang bcas ngo mtshar 'phrul gyi bka' 'doms tshar phyin mdzad rjes dam ye dbyer med du byin gyis brlabs te lus can bsod nams gsog pa'i zhing mchog dam par mig gi spyod yul du gsal ba 'di dang / yang rab 'byams rgyal ba kun gyi spyi gzugs khyab bdag dpal ldan bla ma dam pa bka' drin mtshungs med thar rtse rdo rje 'chang nam mkha' bsam 'grub kun dga' mtshan dpe'i rgyal mtshan dpal bzang po zhes snyan pa'i ba dan srid pa gsum na gsal ba de nyid kyi sman sku yid bzhin gyi nor bu gsar bskrun mdzad pa 'di nyid kyi rgyu ni/ sa 'jim gtsang mar rdzas nyer lnga'i thog drangs bzang zhing gya nom