[A:512] yang spyan ltas shig la rtag 'tsher gangs mchod dgos tshul 'khrungs par yang de bzhin gsar bsgrigs thog mdzad/ snron zla'i nang rje btsun sa skya pa'i gdung rabs rin po che 'phel rgyas 'byung phyir dus mchod du/ zang tsha bsod nams rgyal mtshan dang bzang po dpal zung gi sman sku ring bsrel rnam bzhi'i gong bur bskrun te ji srid 'khor ba ma stong bar du rje btsun sa skya pa'i gdung rabs rin po che rgyun mi chad par 'byon pa'i thugs bskyed bla na med pa dang bcas bla brang go bzhi las gdung rabs rin po che'i 'byung khungs su gyur pa dus mchod 'di nyid du bzhugs su gsol zhing / zla nang der mgon khang khag bzhi dang dngos grub gling rnams su rje nyid nas bdun phrag re'i ring snga dro sgrol dkar yid bzhin 'khor lo'i bdag mdun bum bzlas rnams dang de'i rgyas pa'i sbyin sreg /phyi dro chos skyong so so'i bskang phrin bcas dpal gyi zhal zas re 'dod don nam 'grub bar gta' mar bzung gnang gis skyed lhas su bdag nyid chen po bzang po dpal gyi sku bstod gsar bsgrigs mdzad pa dang bstun/ kun dga' tshe ring sogs kha shas sku 'bum rnam rgyal la mchod 'bul gyi sgro btags te slar yang gsang rgya'i thog chos lung du rgyal yum sku drin can ma de nyid spyan 'dren par mngags te/ chu stod zla nang gsang khog nas gdan sar phebs par bcom ldan 'das dpal gsang ba 'dus pa mi bskyod rdo rje'i rdul dkyil du smin par mdzad de rjes su gnang ba du ma dang / lha sku bde stong dbyer med don dam pa'i gshis las ma g.yos kyang ltar snang mthun sdeb kyi la nyer shar ba'i rim gro rnams rim bzhin mdzad de gro bzhin phur sgrub dang bstun phun gling du tho rengs snga bar phebs/ skabs shig rje nyid kyi 'od gsal du rgyal yum nyid dang lhan du brtse chen lha khang du phebs song bar gzim chung gi sgo 'gag de na rnal 'byor pa rus pa'i rgyan can bag dro ba zhig bzhugs 'dug pa des sna drangs brtse chen lha khang sa chen sku 'dra rin po