[A:511]pa du ma dang / rten 'dam dpe bral ma la slar yang rje nyid nas byin rten mang du bsre bar mdzad pa'i lde gu dang lhan cig sbrus pa las grub pa'i thar rtse ba nyid kyi sku shin tu 'dra lon zhing mi bskyod rdo rje'i phyag rgya can du bzhugs pa 'di nyid kyi nang gzungs gtso bo yab rje bsod nams rin chen gyi thugs dam rten yun ring mdzad pa'i 'jigs byed kyi sman sku chung ngu rwa lo'i mngon rtogs rin chen snying po dang mthun pa la 'dod gsol gyis spras pa/ rdzogs pa'i sangs rgyas dang khyung po'i ring bsrel bcas khyon dgu/ rje nyid kyi phyag tsha grangs mang / thar rtse rje'i thugs dam phyag phreng ba so de nyid kyi gdung 'dam dang gong ma mang po'i gdung 'dam las bskrun pa'i sku par mang po/ dbu zhabs bar gsum gyi gzungs ring bsrel gyis phyur bar mdzad de 'dus tshogs nas rab tu gnas pa'i me tog tshar kha shas dang / rje rdo rje 'chang nyid kyis kye rdo rje la brten pa'i rab tu gnas pa'i me tog gnad smin phul dus kyi gsung las/ ye shes sems dpa' phebs pa'i rtags kyang shar bas dgos 'dod re skong 'di nyid la rje de rang gi dbu zhwa/ gos ber/ zhal dkar stegs bcas/ spyi blugs/ 'thor snod/ rdor dril/ nang mchod/ thod DA/ bum pa sogs bsod nams kyi zhing mchog der phul ba yin cing / rje de'i sku drin ni nam du yang khyer mtha' ma mchis so/ /rgyu mtshan ci'i phyir na/ yab rje rdo rje 'chang de nyid zhi bar gshegs dus rang nyid byis pa na phra lugs gnyis kyi blang dor la rmongs pa'i dus chos 'jig rten gyi mgo 'don tshang ma dam pa 'di'i sku drin gyis bskyangs pa'o/ /zhes gsungs/ de mtshams nas dbus kyi chos skyong khag gi lung bstan las ru mtshon mang po dgos tshul bzhin nang so/ dus mchod dga' ldan smug chung rnams kyi nang dang bsam brling mgon khang steng bcas su so so'i thug chog gsar bsgrigs ltar 'dzugs par mdzad pa dang /