[A:515]gsum ma/ rnam sras rigs chen bco lnga snyan grags sgrub dang bcas pa/ dud sol ma/ bran bdud/ zangs gri gnyis/ bektse gnyis/ mgon po phyag bzhi/ phyag drug /beng / legs ldan/ stag zhon/ trakshad/ tshe ring ma rnams dang / rje nyid kyi gsung rtsom 'jigs byed bcu gsum mngon dkyil/ mgon mdos dang zhal gyi dam tshig bskang ba/ sku bstod dad ldan re skong yid nor/ gdung rabs myur 'byon gsol 'debs/ bden tshig ganggA'i chu rgyun/ rgyud sde'i gsol 'debs/ gyi ljang lugs kyi gtor bskang lung rnams dang / gshed dmar lha lnga'i dbang lung bcas gnas gsar rje nas sde dge chog dbon la chos bka' rgya cher stsal dgos kyi bka' bzhin la las can gyi zhal slob gzhan dag kyang rjes su bzung zhing / 'jigs byed ra 'khrid dus ngo mtshar 'di lta mthong ste/ de'i 'bras bu rdor 'dzin gyi sems 'dzin gyi dbu tshugs nyin skyid grong gnas po gsung rab kyis ral gri yu ba la rdo rje pha lam gyi rgyan ldan zhig khyer nas glo bur du byung ba la/ rje rdo rje 'chang gi gsung las/ gsung rab dang ral gri dang rdo rje pha lam gsum gyi ming bkra las bzang ngan ci yin shes ldan dag gis rtogs nus gsungs te zhal byang 'byar ba dang bcas da lta'ang dbang rdzas khang gi 'jigs byed phyag cha'i gras su bzhugs su gsol ba lags/ yang de lo gdan sa'i gtsug lag khang g.yu thog /sku 'bum nub/ gzhon dbang / 'khon sku 'bum/ mthong ba don yod/ shAka bzang gsum/ grang mo che/ dge 'phel/ rdzong chung / rin chen sgang / bde chen gling / nyi lde/ bde mchog /mngon dga' bde chen/ sa tshogs mon chung rnams dang / g.yu thog /grang chen/ rin sgang / bde mchog /mngon dga' bde chen mgon khang rnams su bla bre/ thang ka /ting phor/ bdun tshar/ rnga/ dung / 'khar rnga/ 'thor snod/ DA ma ru/ nang mchod/ rol mo/