[A:516] sil snyan/ phud phor/ pad sder/ sgo lcags sogs sbyor 'jags mang du mdzad pa 'di rnams kyang / gdan sa chen po dpal ldan sa skya 'dir ngo mtshar ba'i gtsug lag khang rten bcas bzhi/ sprul pa'i lha khang chen mo rnams kyi thog drangs gtsug lag khang ji snyed bzhugs pa la/ bar skabs su si tu byang rgyal dang lha sa rdzong pa sogs bstan dgra gdug pa can rnams kyis nyams chag du ma btang bar sngags 'chang chos kyi rgyal pos nyams gso mdzad pa nas bzung gong ma rim can gyis gces spras su mdzad pa'i rgyun bzang po mi nub pa'i ched dang / lhag par rje btsun sa skya pa'i gdung rabs rin po che 'dzam gling bstan 'gro'i dpal du myur bar phebs pa'i ched du dgongs par mdzad do/ /de dag gi don bsdu na/ lho phyogs shrI dhA nya ka Ta nas/ /byang phyogs nor 'dzin skya bor bsod nams kyi/ /chos sku'i rten du byon tshe dregs byed lung / /phyogs las rnam rgyal ru mtshon phyar bar bskul/ /de tshe bla ri'i gangs dkar 'dzum sgros dang / /glang gdong 'phags mas lung bstan snang brnyan kyang / /stong nyid phyag rgya khug pa'i ngang nyid du/ /ma bsgrigs lhun grub la nye ci yang 'khrungs/ /byas shes drin gzo'i ngo mtshar phyag rjes ni/ /'jam dpal phug pa'i 'gram par rgyu ba byed/ /gdams pa'i mdzod sgo phye ba'i dri bzhon gyis/ /dri gtsang khang rnams ngogs su byi dor mdzad/ /ces kyang smras so// ! dgung grangs so gnyis su phebs pa lcags 'brug lo nas bzung gong smos bzhin chag med bzhis mtshon nyin zhag phrugs re'i sgom sgrub nyer bdun tsam mdzad pa rnams je rgyas su gtong bar mdzad pa dang / de lo mgon po'i chos skor mkhan chen chos bkra shis sogs zhal slob 'ga' zhig la stsal ba'i tshe/ khyab bdag dgon gsar ba chen po sngags 'chang bsod nams chos 'phel gyis rje nyid la dbugs