[A:322]bod na grub thob khyed las mi 'dug /rgyal po glang dar mas sangs rgyas kyi bstan pa la bar gcod byas/ rgyal po sdig can gsod ran/ kho mos grogs bya yis/ snying ma chung zhig gsungs so/ /de'i sang nye gnas la rgyu mtshan dris pas bden par 'dug nas sangs rgyas kyi bstan pa'i ched du/ rang gi srog bzhi mdo'i rtswa bzhin dor te/ rgyal po rdo ring gi yi ger gzigs skabs drung du phyin te phyag gsum gyi dang po la mtheb sprad/ gnyis pa la mda' bkangs/ gsum pa la rgyal pa'i dpral bar mda' bsnun te bkrongs pas/ phyis rim gyis sangs rgyas kyi bstan pa nam langs nyi shar ltar du gyur pa 'di nyid kyang / 'khrul med gter ston chen pos lung gis zin pa'i skyabs mgon rdo rje 'chang chen po de nyid kyi thugs rje kho nar 'khums pa ste lha lung dpal gyi rdo rje'i lo rgyus dang // // ! yang slob dpon chen po dze tA ri'i rnam sprul du lung bstan mdzad pa la/ slob dpon chen po dze tA ri'i lo rgyus bshad pa ni/