[A:321]sras la bka' stsal pa/ rigs kyi bu ngas ni rgyal khrims chos bzhin du bsgyur nas sangs rgyas kyi bstan pa dar bar byas/ bod 'bangs bde ba la bkod pa yin no/ /khyod kyis kyang nga'i rgyal srid 'di ma nyams par chos bzhin du skyongs shig /nga'i gtsug lag khang 'di gnyis kyi zhabs tog khyod kyis gyis la/ dar du chug cig /nga'i pho brang lha'i gnas dang 'dra ba 'di'i 'dzin skyong gyis shig /nga'i btsun mo dang blon po bod 'bangs thams cad re zhing ltos pa'i pha ma lta bu gyis la/ phan pa dang bde bas khyab par gyis shig /de nas gdung rabs lnga pa la/ /'jam dpal dbyangs kyi sprul pa ste/ /rgyal po lde zhes bya ba 'byung / /des kyang dam chos rgyas par byed/ /de nas gdung rabs gnyis pa la/ /phyag na rdo rje'i sprul pa ste/ /rgyal po khri zhes bya ba 'byung / /des kyang dam chos rgyas par byed/ /de nas bdud kyi sprul pa ste/ rgyal po dud 'gro'i ming can 'byung / /de yi thugs la gdon gsol nas/ lha khang bskyel zhing dam chos bsnubs/ /sde sdon 'dzin pa'i srog kyang gcod/ /chos mdzad thams cad bsad cing bcom/ /glegs bam thams cad me la bsreg /sangs rgyas bstan pa'i dkrugs shing des/ /bla ma slob dpon bran du bskul/ /rab byung btsun pa chos dang phral/ /dge bshes rnams la shan pa bcol/ /sangs rgyas na bza' chu la bskur/ /rten gsum mchod cha rdo yis brdung / /chos kyi ming yang med par byed/ /de nas yer ba'i brag khung na/ /phyag na rdo rje'i sprul pa ste/ /dpal zhes bya ba'i dge slong gis/ /sdig can rgyal po sgrol bar 'gyur/ /zhes lung bstan dang thugs bskyed smon lam dus su smin nas/ yer ba'i brag khung nas sgom byed kyin yod pa la/ nam phyed na lha sa'i bstan srung dpal lha mo byung nas/ da lta