[A:552]rtsod bral grub pa'i sar bzhugs bla chen 'brog mi las rgyud sde'i nying khu dpal kye rdo rje'i bshad bka' gsan/ de'i man ngag 'dzin pa rnams kyi nang nas 'gran bral/ se ston las man ngag yongs rdzogs bstan pa rin po che'i nyams len gsan te grub pa mchog gis mthon por byon pas yon tan tshad bzung med cing / spyir btang la'ang da lta'i bar du sku spur ma nyams par bzhugs pas gdung brgyud ma nyams shing / klus gnod pa che rigs kyang mi 'byung ba sogs grub pa'i rtags mtshan yod pa de dang / yang sgos 'phags pa rigs gsum mgon po'i rnam sprul rje sa chen yab sras dbon brgyud rim byon rnams zab don rdo rje theg pa'i mnga' bdag kho nar ma zad/ thog mar rdzogs pa'i sangs rgyas kyi phyag nas ma rgyud sde rgya mtsho'i bstan srung thun mong ma yin pa gur gyi mgon po'i snang brnyan bse 'bag yid bzhin nor bu sku gsung thugs yon tan phrin las kyi rten/ man ngag mkha' 'gro'i thugs bcud dang bcas pa zhal gzigs pa nas bzung mkhas grub dam can las 'khol sha dag byon pa'i rjes 'jug dbang gis smin cing / dus grangs kyi bsnyen pa mthar phyin pa 'don pa lag len byang chub mang zhing / 'ga' zhig ni de'i khar gdams ngag yongs rdzogs thob cing / nyams 'khrid bskyangs pas bskyed rdzogs kyi go myong yang yod pa rim can du byung bas na/ 'gro ba thams cad kye rdo rje'i rang bzhin du rnam par dag par lta ba sogs gsang sgrogs kyi nyes pa yong don med cing / bse mgon yid bzhin nor bu lta bu'ang 'chams stabs kyi spyan 'dren mdzad pa nas bzung bka' gnyan gyi gar 'chams du mar mnga' brnyes pas 'di bzhin 'chams pa la nyes pa med pa'i gtan tshigs yang dag yod pa bzhin mnyen chas dang dngos gzhi gtor bzlog rnams gzabs spros kyis mig gang