[A:553]gi ltas mo lta bur 'chams dus gnam gshis shin tu 'jam zhing gra 'grig byung / 'on kyang 'chams ra dog cing do dam pa rnams kyis gtong ma mkhas pas khrom rnams 'dod pa rdzogs pa rang ni ji 'dra byung yod dam bud med gcig mi nyog gis brdzis pa yang byung bas khrims pa tshos zhabs phyi go ma chod de rigs la slad nas kyang bsgrim dgos 'dug go /zhes gsungs/ bskang gso brgya tshar grol nas sa tshogs su mi khrom rnams nub sgo nas yong shar sgor 'thon pa'i bka' 'doms bcas mi 'khrugs pa dang sgrib sel gyi gzungs ljags bzlas dang / bdag gzhan brje ba'i byang chub kyi sems kyis gtong len dang / mdor na mthong thos dran reg thams cad la so so'i gnas skabs dang mthar thug gi don yid bzhin du 'grub pa'i spyan dmigs dang chabs gcig phyag dbang stsal ba ste 'di lta bu'i thugs bskyed dang spyan dmigs ni rnam pa kun tu mnga' ba'ang 'dis mtshon nus pa bcas tshe sems yo byad las skye ba mos pa smon lam sogs la dbang brnyes pas na skye dgu rnams kyi re 'bras yid bzhin du 'grub par gdon mi za'o/ /de dag gi don bsdu na/ dam ldan gu shrI'i brgyud kyi mtsho nang du/ /lugs zung bsil zer phab tshe dad mos chab/ /jer cher 'phel ba'i rgyud ni 'dren byed nas/ /zegs tshe ya mtshan nor bu'i do shal 'khrungs/ /rigs lngas bsti gnas dbyigs 'dzin dga' ma'i ltor/ /mtshan gsum ti la ka yi ngo mtshar gzugs/ /sangs rgyas dbang bskur dus su smin pa'i gtam/ /snod bcud rna ba stong gis nyan par lhags/ /gang tshe rdo rje 'dzin nyid bde stong dang / /bzhengs 'phral rten 'brel 'phrul brgya'i sgo 'phar 'bum/ /phye ba'i sgra ni ma bsgrags lhun grub grags/ /nor 'dzin bzhin snum 'byor rgyas mig gi'ang