[A:559]'grig gnang nyin gnam gshis kyang bzang zhing / lhag par me tog gi char ni sngar dran ma myong ba lta bu 'bab pa 'dug ces skya ser mtha' dag nas gleng ba'ang don ldan bzhin dang / mi ring bar gsol thab lhor phebs dang chabs gcig rgyal yum nyid sman chab skabs kyang sku gdung rin po che bde mu'i mtshan gzim thog 'gar/ bram ze tshangs pa tshangs pa shes/ /zhes sogs mtshan brjod kyi tshig 'ga' gsung mur mnal ba dang / yum la sman chab des phan ngo cher gyur te rim gyis snyun las grol/ phur sgrub skabs mdzod 'dzin yang 'byor zhing zhal dro'i skor tshang ma grub nas khrums zla rab ston gnang dus rje rdo rje 'chang ban tshang 'khor tshogs bcas gtsug lag khang 'og ma dang / mkhan chen bsnyen song rnams steng du 'du bar mdzad de kye rdor rab gnas 'bring po bcas phyi bskor la me tog gi char nyil ba'i zhar la lha chen rung khang nyams gso khro chen gsar blugs bcas la'ang shis brjod kyi me char phab ste/ chu kha ma nas drung gzhas kyis sdun bsus zhal dror rjes chog rnams dang / tshoms chen du dga' ston bzhugs gral gyi tshe gsung bshad mtshams sbyor la rje btsun sa skya par gdung rabs rin po che dgos gal che tshul/ thog mar gnam kha'u pas dkon mchog rgyal po dang ma gcig zhang mo rten 'brel bsgrigs nas sa chen 'khrungs tshul/ sa chen la'ang sgyi chu ba'i zhal chems ser chas la rtsi 'jog mdzad mi dgos par gnam kha'u pa nyid kyi gsung bzhin gdung 'dzin gyi go sar bzhugs nas ma 'ongs par phan pa'i lung bstan bdag nyid chen po bzang po dpal la rgya nag gong ma chen po dang sa skya'i dpon chen bu slob rnams kyis gsol ba btab tshul/ sngags 'chang chen po dang a mes zhabs rab byung las slar gdung 'dzin mdzad tshul