[A:560]sogs las 'phros te grags blo bas a mes zhabs la zhal ta nan tan gnang tshul bzhin deng dus rje rdo rje 'dzin nyid la'ang gnas tshul de ltar shar tshul/ gdung rabs rin po che myur du phebs ched gong gi sgrub mchod brgya tshar rnams dang / grwa lnga lugs sku/ sgrol ma gser ljang ma/ rgyal yum nas dngul gyi sgrol dkar gsar bzhengs/ gzhan yang 'jim/ sku ldebs bris bcas bzhugs pa'i zhal dro lha khang rten brten par bcas pa'i rab gnas yin tshul sogs kyis 'doms par mdzad dus/ grags blo ba'i zhal ta lo rgyus rnams gsan pas dbu byed bka' bcu pa spyan chab dbang med du nyil zhing / de nas legs skyes kyi bdog pa rnams bzhes nas bzo pa rnams la gnang sbyin gya nom pa'ang brims par mdzad/ dgun thog mdzod 'dzin bla brang mchog tu gtan tshigs zhu bar phebs pa dang / drung yig kun phun gdong sna ba'i kha mchu'i ngo len la 'thon/ rje nyid nas gong dkar 'or sbug /rin rtse rdzong dpon/ sde dge a 'khro sogs kyi re skong dang / 'byung 'gyur sku gdung rin po che gegs med du phebs thub pa dang / sde dger rgyal sras 'byung ba sogs kyi ched du mgon khang khag bzhir dpal gyi zhal zas 'dzugs gnang gis phrin 'chol gnad smin mdzad pa'i skabs so/ /de dag gi don bsdu na/ ngal bsos mchog gi dngos grub snang brnyan du/ /shar 'phral dam ye dbyer med dge mtshan bdag /byin rlabs gzi 'bar nam mkha'i nor bu la/ /'gran zlar rtsom 'dod med khyer phung byed sgrub/ /rdo rje'i stan la thog ma'i rten 'brel gnad/ /lhun grub chad med rgyal ba'i phrin las la/ /co 'dri min na rgyal sras dam pa ru/ /grub pa'i gtan tshigs gsal ba su yis 'gog /'phrog byed gdong du thar pa'i gzhal med khang / /rgyud sde'i lha tshogs 'khrungs tshe zhal dro'i sgra/ /don dang ldan mod slar yang mchod yon gyi/ /myu gu gsar bu'i cho gar spro