[A:569]bstan pa ri rab khang khyim sogs snod kyi gzugs dang / mi la sogs pa bcud kyi gzugs ni min pas de bzhin du shes dgos pas na/ sngon gyi rje btsun gong ma bzhin du mkhas grub grags pa can byung na mchog dang / gzhan du mkhas pa dang bstan pa'i bya ba rnams dang ya rabs bzang po'i ngang tshul ni gzhar yang mi bskyud pa sngar bas kyang lhag pa sangs rgyas kyi bstan pa'i ched du sgrig rgyugs kyi 'khur 'di bzod par bya'o dgongs pa'i dam bca' thugs la bkod pa yin gsungs nas khrums zla'i gsang 'dus la phebs skabs shig /dpal lags de glo bur du snyun bab lci ba gzigs pas 'phrod bzhes rim gro sogs yang dag mdzad kyang bzlog med kyis re zhig nas sku mi 'tsho bar mkhyen te/ so 'brang 'khor lo sgron pa/ bdud rtsi stsol ba sogs mdzad de nyer bzhi'i tho rengs dag zhing du phebs 'phral rje nyid nas mi 'khrugs pa/ kun rig /sman bla sogs kyi gzungs sngags bsngo smon gyi mtshams sbyor bcas dang / sras yum gyi sku'i rim gror bzlog pa'i rigs mang du mdzad rjes dgongs rdzogs rnams brgya dpon la bka' 'doms bcas rus chog spur sbyong sAtstsha sogs dang / mchod 'bul bsnyen bkur rje nyid nas byang bu lam ston sogs mdzad cing / de'i tshe gcung dam pa 'khrungs pa'i dga' ston du yul chen ban tshang pas las mkhan ru 'dren bcas kyi 'chams gzigs 'bul kha na yod kyang phugs kyi rten 'brel la dgongs te bkag med gnang / dbyug zla'i sa mchod sogs ston dgun sgrub mchod/ gtor bzlog /dgun chos sogs tshang mar phebs mu'i smin zla'i tshes dgur lho phyogs kyis mtshon/ lung pa du mar sngar thugs dran mi gsal ba'i gangs chen po babs pa dang / gong ma'i rnal 'byor ma'i dus tshoms chen 'gag tu gang nas 'ong med pa'i