[A:570]'ug phrug byung ba'i ngan ltas bzlog ched sogs la thugs gzhol ba'i skabs so/ /de dag gi don bsdu na/ legs byas g.yab mos gnya' shing 'dzin ri nas/ /lha rigs snang byed rjes su mched zla'i gzugs/ /bsnyegs la rnam 'dren nyi zla'i mtshan snyan ni/ /bskrun pa'i yab yum rgyal bstan spel ba'i bdag /phrin las zer phreng brdal ba'i zhal sgo las/ /dus gsum lung bstan rdo rje'i mdud rgya dang / /mnyam du chas pa'i dge mtshan ci yang ni/ /sngon byon gong ma'i rnam thar ngang du g.yos/ /shes rab sgyu ma'i skyed mos tshal 'khrungs pa'i/ /padma gzhon nu yal yang rten 'brel gyi/ /zlos gar ra yig gnyis pas sgyur bzhin du/ /ngan ltas mun pa bsal ba'i snang ba 'bar/ /zhes kyang smras so// // ! dgung grangs so dgur phebs pa me phag rta zlar mgon nub gtor spod dang bstun thug rnams nyams gso dang 'dzugs chog ban tshang bcas nas mdzad cing / rgyud bla mchod sogs la phebs rtag gi mur dbo zla gnyis brtsegs la gzhung sa'i sku rim bektse'i gtor bzlog dang 'char can phur bzlog la'ang phebs shing / zla ba 'di nas bzung ji srid bskal pa'i bar sdom gsum tshes mchod gzhung skyor zla rer lan gsum re chag med kyi rgyun bzang 'di nyid gsar 'dzugs bka' drin che ste tshogs dbur byon/ nag zla'i nang kha skong tshes mchod kyang sdom gsum dang 'dra bar gsar 'dzugs dang / de nas dam tshig bskang gsor phebs gong tsam du chos lung nas sku zhang rgyal po rnam lags/ sras yum sras mo dpon g.yog byon pas sngar bzhin gang sar bdag rkyen yang dag dang / tshe dbang ston mo sogs zab rgyas su bstar ba mdzad pas khong dpon g.yog kyang dga' mgu yi rang ste slar ldog /sa ga'i gsang 'dus mgon mdos snron zla'i lha mo mchod bde kye sgrub mchod sogs la phebs mu