[A:572]lo khams gang yin du gsal ba dang / gzhan yang 'char 'phar gyi thugs brel don yod rnams rim mdzad kyi skabs so/ /de dag gi don bsdu na/ bstan srung dbu 'phang bstod pa'i sgra dbyangs kyis/ /sdom gsum rgyan phreng spud pa'i 'dus sde bos/ /shes rab lha mo'i gzhis mgron dga' mgu'i 'dzum/ /sras bcas rgyal ba mchod pa'i rgyun dang 'grogs/ /mthu ldan rgya mtshor dus gtor bar med dang / /rgyal khab bla nar 'phags pa'i mtshan ma gzengs/ /drang srong r-i Shi'i dus ston gzigs mo las/ /rgyu 'bras don bstan chos rgyal khrims lugs bsnyad/ /nai phal yi yul gru'i me long la/ /sngon gyi gnas dang lkog gyur gzugs brnyan ni/ /sgrib med gzigs pa'i khyab bdag bla ma rje/ /ye shes spyan ldan nyid du bden par nges/ /zhes kyang smras so// // ! dgung grangs bzhi bcur phebs pa sa byi rta zla'i mjug tsam la mdzod 'dzin chu tshan la phebs/ dbo mgo nas rtsa 'chus sogs mi bde ba'i mur/ de'i nyer gcig snga dro steng grib byung tshul gsan 'phral rje nyid nas khrus sna sogs brtse skyong dang mnyam du sman rim gro'i bka' 'doms rnams tshar phyin mdzad nas rnal 'byor mar phebs/ gung sang sngon mar je lod mchis tshul gsan 'phral byas pa shes shing drin du gzo ba dam pa'i rnam thar gyis dza lung dpon slob gdan 'dren 'phral gnang bzhin nyer gnyis sa rub thog byon tsam la mdzod 'dzin gshegs nag zla'i 'gor kun rig sgrub mchod tshogs dbur phebs te gshegs por dgongs pa'i cho ga thugs rus kyis gsung shugs dang bcas 'don par mdzad pas sku 'khrugs kyi rnam pas mgul cham bzhes tshul dang / de nas sngar gyi glo tshad 'phar nyams kyis zla phyed tsam mgul glo thugs bsun can bzhes tshul yang dam tshig bskang gso'i skabs rim gyis snyun las grol/ de nas gnas bcur spyan gzigs