[A:571]dang / lhag par rje nyid nas sngar phan mus chen mchod 'bul la ma phebs kyang de lo nas bzung phebs te 'jam mgon a mes zhabs yab sras kyi sku thog bzhin chos spyod bar gdangs sogs de bas bsgrigs kyis da lta'i nyin khyongs ma'i rgyun bzang 'di mdzad cing / chu ston sgrub mchod dang lo bcol sogs la'ang byon/ dus gtor chen mo dgung grangs nyer gnyis nas bzung chag med mdzad kyang ban tshang pa dang lhan cig sgrub mchod gtor bzlog skabs ma gtogs mgon khang so sor ma gnang yang / de dus lha khang rtser phebs pa nas bzung phal cher lhan du mdzad cing / gsol thab lhor mi phebs tsam la mdzod 'dzin shes rab phun tshogs nas gzhi thog lho'i shar nub mtho dma' mnyam na legs tshul snyan sgron bzhin la nang so tshoms chen g.yab chen sogs la brling lta dgos pa'i bka' 'doms bcas phyag len du btab pa mthar phyin 'phral rje nyid ban tshang pa'i 'khor tshogs bcas nas rgyal mtshan 'dzugs chog thug chog sogs yang dag stsal/ de lo nas bzung khrums zla'i rigs char yang tshogs phebs rtag po dang / de'i nyer bzhir stod la dwags rgyal po mdzad pa mi legs pa'i sbir gtam gyi rkyen gyis/ la dwags rgyal blon la rgyu 'bras kyi bka' tshig sngon du gtong bar mdzad nas gna' bo'i chos rgyal gyi lugs bzhin bskyangs na gang sar dge ba'i bka' 'doms dang / de lo spyan ltas shig tu/ rje rdo rje 'chang chen nyid bal yul na mchis par/ mchod rten byar rung kha shor gzi 'od 'bar zhing byang phyogs na spyan gzigs kyi lha khang 'o brgyal ba zhig dang / bal po'i grong khyer kun mi nor zad pa 'dra ba mi thor re ba las med pa'i mur/ lho nub nas nyi ma shar byung gleng zhing thams cad skyid nyams byed pa zhig 'khrungs pa ni kun gyis dgongs sla zhing / 'di la da dung spyan ltas dang dril bu phul ba sogs 'og