[A:327]du bcug nas/ dar cig de skad la bzhugs shing / khyed mgon po bsod nams mchog ldan gyi rnam sprul yin pas/ sgom chen gyi rten 'brel zhig bsgrigs pa yin no/ /brda don 'di la gnas gsar rje rang ci yang mi gsung yang / kho bo'i bsam tshod la ni/ srung ba thun mong ba'i sku zhal nang bstan du yod pa de/ gsung ngag tshogs slob gnyis ka'i bdag po mdzad pa'i brda dang / de'i phyi me long g.ya' dag yod pa de/ rig gnas sogs shes bya thams cad me long nang gi gzugs brnyan ltar mkhyen pa'i brda dang / de mgul du btags pa de/ chos 'khor bsam gyis mi khyab pa bskor ba'i brda dang / phyag g.yas lcags rdor 'phyar ba de/ rdo rje theg pa'i bstan pa'i srog shing sra brtan 'dzad cing / thabs kyis phyogs su lhung ba'i bdud kyi bar cad thams cad la/ thugs bag mi tsha ba'i brda dang / g.yon lcags phur thur mnan de rdo rje phur pa'i chos skor gyis mtshon gsang chen snying ma'i ring lugs kyi sgo nas/ snyigs dus kyi phung 'gong thams cad gnon pa dang / khyad par nged rang nas rje btsun sa skya pa'i zab chos phur pa'i smad las drag po sgrol dbang gi thog ma de/ gnas gsar rdo rje 'chang la 'bul thub pa'i rten 'brel yin nam snyam/ zhes dang / rnam thar de nyid gsung rtsom grub la khad grub dbang sgro lung pa chen po mang thos bsod nams chos 'phel gyi dbu skra dang / bcu shad lung / 'dra sku che chung gam du 'byor ba sogs dpyod ldan gyis bltas na gang yin shes par 'gyur/ zhes sogs gsungs pas grub dbang sgro lung pa mang thos bsod nams chos 'phel gyi rnam sprul du/ zhal bzhes 'khrul pa med par la bzlas pas so/ /gzhan yang rje nyid kyi gsung rtsom mgon de'i rnam thar las/ shing pho spre'u'i lo tha skar zla ba brjes chen yab sras