[A:328]kyis byin gyis brlabs pa'i dus chen khyad par can dang nye bar sbyar skabs/ rmi ltas su gdong dga' chos sde'i tshogs dpon bgyis te cho ga phyag len la zhus dag sogs brtse ba'i bslab bya bgyis pa dang / 'jam mgon a mes zhabs kyi bka' shog zhig lag tu 'byor bar/ khyod la gzhan zer ma dgos/ bdag chen rdo rje 'chang gi bdud rtsi ril bu sgrub tshul sogs tshigs bcad 'di nang na gsal yod do gsungs pa bzhin bltas pas/ blo gros rgyal mtshan zhes pa'i mtshan kho na la gras pa'i tshigs bcad sum cu rtsa grangs tsam yod pa zhig byung ba dang / rin chen sgang bla brang gi gdung rabs kyi sku rgya nag 'jim bzo ma la gzungs phul ba bcas shar bas brag rtsa rjes/ rje 'di'i 'khrungs rabs kyi skabs su/ bdag chen rdo rje 'chang gi rnam sprul yin par gsungs pa de gsal 'debs yin 'dra/ zhes gsungs shing / des na sgro lung pa chen po de nyid ni/ rje btsun sa skya pa'i snyan brgyud gdams pa rgya mtsho'i mnga' bdag /bdag chen rdo rje 'chang chen po dang / grub pa'i dbang phyug thang stong rgyal po sogs kyi zlos gar du/ de nyid kyi rnam par thar pa shin tu gsal bas na/ bdag chen blo gros rgyal mtshan de nyid ni/ rje btsun sa skya pa chen po kun dga' snying po dang ngo bo gcig pa gong gi rtogs brjod yid 'phrog utpal do shal du bsnyon med gsal zhing / de lta bu'i bla ma sa skya pa chen po ni brda byang chub sems dpa'am/ byang chub sems dpa' sbyin pa dpal gyi yang srid yin pas na/ rtsa ba'i sprul gzhi 'phags mchog 'jig rten dbang phyug nyid yin la/ thang stong rgyal po nyid kyang thugs rje chen por grub pa ni/ grub chen nyid kyi gter lung las/ zhi ba thugs rje chen po dang / /drag po khro rgyal rta mgrin gnyis/ /dbyer med gcig tu sprul pa las/ /sku yi cha lugs zhi ma khro/ /zhes gsungs shing / gzhan yang 'ga' zhig bu ston rin po che dang / bla ma dam pa