[A:584]ma'i lam rim nas byung ba dang / gzhung brgya 'chad pa'i lce bde blo gsal zhing / sogs nas/ yongs rdzogs bstan pa'i bdag por 'gyur bar shog /ces sa lo chen po'i rnam thar dkon mchog lhun grub kyis mdzad pa nas byung ba de smon lam du bsgyur gnang dang / thub pa'i bstan pa rin chen gzhal med khang / /zhes sogs nas/ bstan bcos nyi ma'i snang ba rgyas byed shog /ces sdom gsum rab dbye'i gsham nas byung ba de smon lam du bsgyur gnang sogs mkhas pa'i mdzad pa 'grub pa'i thugs smon rnams 'bras dkar gyi char nyil bzhin du mdzad rjes/ glegs shing la gser bris kyi ka mad sum cu nas 'bul bar mdzad pas/ ka yi gi gu/ zhabs kyu/ 'greng bu/ nA ro rnams phul bas a yi bar la rigs 'gre nus te mkhyen pa dang / gsung slob rnams kyang lan gnyis gsum la mkhyen pa sogs yab rje chos kyi rgyal po nyid thugs dges pa'i rtser son/ de'i tshe tshoms dmar du tshogs yongs nas rab gnas kyis phyi bskor la me tog 'thor gnang dang chabs gcig sku gsung thugs rten 'ga' zhig spyan 'dren gras la 'jam dbyangs rtsod rgyal ma'ang phebs pas/ gsan sbyang dbu tshugs pa dang stabs 'grig sku byin can gnas 'di'i phyi nang du byon pa ni/ gzhan las rten 'brel shis par mngon no gsungs/ gong gsal bzhin rta na gnas dpa' chen yid ches gsang khog nas/ khog zhugs snga phyir bsam yas chos skyong gi ru dpon ga byang yin zer ba zhig gis gtad 'don nges 'drongs yod pas/ dus tshes che ge mor rdzas dang yo byad che ge mo dgos tshul gleng ba dang bstun/ mgon po khro bcu dang / zhal gyi gtor bzlog nyer dgu'i dgongs 'phen te sa sros nas bzung pho brang gi phyogs bzhir uShNI Sha'i sgom bzlas dang / drag po mdo bzhi klog pa sogs mdzad nas/ sku tshab zung sbrel dang bcas dpa' chen gyis gtad bton tshul ni/