[A:593]bzhes kyis rim 'dus dang bcas/ skas zhabs su chos dung rin po che rje nyid kyi phyag tu bzhes/ 'jam mgon sku mched la tshe dpag med dang bkra shis rdzas rtags kyi tsakli phul/ zhal ngo gzhan rnams nas phyag cha gang 'os/ mkhan pos thub dbang gi sku/ phyag gnyer nas 'dod 'jo mtshon phyir bum pa nyer lnga'i rdzas kyis bkang ba kha rgyan mgul 'ching can/ drung 'khor nas phyag cha gang 'os/ chos grwa byang pas rdor dril bum pa sogs/ lho pas bka' bstan glegs bam/ gzhan byings nas rang rang gi blos dpyad kyi lag cha bcas/ chos dung rin po che'i gsung gis thams cad bskul bar mdzad nas/ rje rdo rje 'chang nyid thog mar phebs pa'i sngon tsam la/ bye'u chung ngu zhig gyen 'gro'i tshul gyis byung ba ni/ gtsug lag khang chen po'i srung mas bsu ba mdzad pa'i brda dang / de'i tshe rje nyid kyis 'phags pa rin po che'i gsung tshe dpag med kyi bkra shis shlo ka bcu dang / gtsug tor dri med dkyil chog nas byung ba'i/ rmi ngan 'jig dang / zhes pa nas/ nor dang bkra shis rnam par 'phel/ /zhes pa'i bar shlo ka so bzhi/ rje nyid kyi gsung dpal sa skya pa'i chos srid la dge legs 'byung ba'i shlo ka gcig ste skas san gyi grangs dang mthun par mdzad mur gyen phebs kyang dgos pa 'di lta bu dang ldan pa ste/ tshe dpag med kyi bkra shis ni/ steng phyogs 'jig rten gyi khams yon tan dpag tu med pa la bsngags pa yin pas gyen phebs la nges par gnad du che ba dang / dri med nas 'byung ba'i bkra shis ni/ gzhung de nyid las/ lam 'jug dus dang nor dang 'bru rnams sdud pa dang / /nangs par dus sam yang na zhi ba'i las byed dang / /dga' ston kun nas 'jug dang dgos pa sgrub pa na/ /ming tshig 'di dag mi yis rab tu sgrim ste nyon/ /zhes gsungs pas/ lam 'jug ni skas ring la gyen