[A:329]sngags 'chang grags pa blo gros sogs kyi rnam sprul du byed kyang rje rdo rje'achang gis zhal bzhes gsal por mdzad pa ni ma mthong zhing min pa yang ma grub pa ni/ spyir sangs rgyas dang byang sems chen po rnams ni/ dbang bcu dang / sprul bsgyur la mnga' brnyes pas gang 'dod du skye ba len nus shing / de yang gcig nyid mang por sprul pa dang / chung ngu chen por bsgyur ba sogs nus pa ste/ sambu Ti las/ kha cig tu ni byang chub chen po'i lam/ /kha cig tu ni byang chub spyod rjes 'brangs / /kha cig tu ni byang chub mngon byang chub/ /ces dang / brtag gnyis las/ 'chad pa po nga chos kyang nga / /rang gi tshogs ldan nyan pa nga / /zhes sogs mang du gsungs pa ltar/ zhing khams la lar dkyil 'khor gyi 'khor lo'i snang brnyan dang / la lar mdzad pa bcu gnyis kyi tshul ston pa'i sangs rgyas la sogs pa mtha' gcig tu ma nges pa'i sprul pa bsam gyis mi khyab pa'ang / bla ma sa skya pa chen pos tshar khar lo gsum khrid bskyangs pa/ gung thang du mal gyi nye gnas mdzad pa/ 'bring mtshams su rab gnas mdzad pa/ zangs sdong du lam 'bras gsungs pa/ sa skyar bzhugs nas lam 'bras gsungs shing bla ma gong ma'i dgongs rdzogs mdzad pa/ shab sgo lngar chos 'khor bskor ba ste sku'i bkod pa mi 'dra ba drug dus gcig la bstan cing / de bzhin gzugs sku bsdu ba'i tshe yang / bde ba can/ po Ta la/ au Dyi na/ gser mdog can sogs su gshegs pa'i bkod pa mi gcig pa bzhi cig car ston par mdzad pa sogs so/ /gzhan yang 'gro ba lha dang bcas pa'i skyabs dang mgon dang dpung gnyen dam pa de nyid ni/ jo bo bka' gdams pa rnams kyi rnam thar lhur bzhes lta bu'i/ khengs bskyung gi gsung kho na 'byon pa ni 'di lta ste/ kho bo sa skya bdag por ma skyes par dmag dpon kho na yin/ dbus gtsang dus 'khrugs skabs kyang / ngam