[A:330]ring phyogs nas yin no snyam pa'i mi zhig pha gzhis la chags bzhin du dmag la 'gro dgos de/ nya mo hob thag gis 'dzin char thogs nas/ rkang pa g.yon pa'i nya gzhug tsam du me mda' phog pas rkyen byas lnga lam du song / de nas yab rje grub pa'i dbang phyug de nyid kyis/ gdul bya khyad par can du dgongs te rigs sras su bskrun par mdzad mod/ sngon byon dam pa rnams kyi zhabs 'og gi rdul phran tsam yang mi pher/ rtsing spyod sna tshogs ni sngar sa skya pa'i gdung rabs la ma grags pa byas/ bsod nams kyi bgo skal du thob pa la bla ma rdo rje 'chang gsan rgya can mang pos rjes su bzung bas/ thos rgya ni chen po yod/ bsam sgom gnyis ni gsang sngags nyer mkho la phran bu las/ sde snod rgyud sder sbyangs pa cher med/ rig gnas sogs ni mthong thos tsam yin/ klog gyo le ba zhig shes/ yi ge ni khungs ma byang shing la sbyangs pa min/ khungs med kyi rtsal yig ni brda don pher tsam zhig shes/ yi dam chos srung gi bsnyen sgrub mang po ni nges shes 'drongs pa song / bla ma rnams kyi khral 'bab chos 'chad ni chung ngu nas byas pas/ dbang byin rlabs rjes gnang 'khrid lung sogs yin la min la de 'dra thogs med yod/ rtsod pa'i rig par ma sbyangs kyang babs kyi rig pa ni rtsod shugs shin tu che ba yod/ rtsom bsgrigs kyi pusti mkhas grub kyis gzigs par 'os pa dang mi 'os pa'i tshig tu ma byas pa bod bcu gcig bcu gnyis su longs pa yod 'dra/ thos bsam sgom gsum dang 'chad rtsod rtsom gsum ha lam de ka yin/ gzhan yang sngon gyis mkhas pa dag gis/ rkang rjes dang lag rjes kyi grub rtags med/ sku rjes kyi sngo lo phyar ma myong / zhes gsungs pa yin pas/ grub rtags kyi ngo mtshar ma mchis kyang / sngo lo ma phyar tsam e yod/ ces yang yang bka' stsal pa rnams ni khengs bskyung ba dam pa'i