[A:622]yang de lo phyi lo sogs la sde dge'i chos srid dar brtan 'byung phyir/ lha bsangs/ sme brtsegs/ de'i grib glud/ brgya bzhi/ phywa phrin/ tshogs bdag /kye rdor las bzhi'i sbyin sreg /mgon khang rnams su bskang phrin/ phur bzlog /drug cu pa/ mchod 'bul/ gsung sgrogs sogs nar mar mdzad cing / gzhan yang sa ngor sde gsum gyi sku rim du bdun phrag gcig ring / kye rdor bdag mdun gtor bsngo bskang ba bcas gnad smin du mdzad pa'i tshe/ tho rengs shig /sdig pa rwa can khru gang tsam zhig rje nyid nas bsgral bas/ de'i khog na glo snying nang cha thams cad dmar myog ge gzigs shing / shi ba'i ro de'i rwa dang rkang lag rnams kyis nyid kyi zhabs phyi zhig la 'thams nyams 'khrungs shing / / ! yang mgon mdos shig mdzad pa'i tshe 'od gsal du/ si tu karma chos 'byung dpon g.yog dang mjal bas/ rje nyid ni grub mtha' ris med kyi mkhas grub la dad pa dag snang rgyun du bcos min bsgoms pa'i bag chags kyis/ gsung gleng sna tshogs dang / khyad par rig gnas skor gsan yul sogs dri ba mdzad pa'i lan gsung skabs/ khong gsung 'gag sku drang por bzhugs mi thub pa'i mur shangs g.yas nas khrag dmar nyor gyis byung bar/ khong gi zhabs phyi rnams kha skyengs nyams dang / gzhan zhig nas 'di dam sel rtags yin 'dug zer bar/ rje nyid nas de ma thag khong la phan re'i oM e ho shud dhe sogs 'don par mdzad pa 'khrungs pas/ bla ma 'di la gzhis byes kun kha gtong ba de bden pa e yin/ zhes gsungs pa sogs dngos su lta ci/ mnal lam gyi tshul du'ang rje des byang chub kyi sems dang 'bral bar ma mdzad lags/ de nas chu stod nyer drug la/ gong mi khyi tsam la rje nyid kyis bstan lar gcig tu dgongs te/