[A:623] gnyal gyi rdo mon pa thang gi mgon khang na 'phags pa klu sgrub kyi phyag bzo ma gur mgon gyi 'chams sku sumbha nag por grags pa mal los rgya gar nas gdan drangs zer ba de yod min rgyal tshab de mo gong mar rtsad gcod gnang dgos zhu don bzhin dang bzhes kyis/ gri gu rdzong dpon mer mo nas la rtsad gcod zhib dgos bka' stsal ltar/ des kyang shin tu zhib bris gnas tshul zhabs pad du phul ba ngo ma gdan sar stsal ba las/ sngar yod dus zhing bskor re la gdan 'dren zhu srol gyis/ skabs shig nyin mos rub pa sogs 'tshubs 'gyur chen po byung skad dang / de nas mgon khang rdib gzhom gyis/ sa 'og tu shor nas ma 'thon/ zhes dran pa lung pa de na rgan mo zhig las gzhan med tshul der yod rnams kyis smras pas/ slar khungs rdol min la gan rgya 'jog nus sam dris pas nus zer nas bzhag song zer ba phul yang / phyis su khungs rdol te 'chams sku gsang sngags dga' tshal du phyag 'byor gyis/ 'dra bzhes gnyis pa sa skyar shing lug chu stod zla nang gsang sngags dga' tshal gyi lha bzo ba zhi ba bzang po'i gdong stsal bzhin/ brtse chen na lha khang du gdan 'dren nyer brgyad la gnang ba'i nyer dgu'i tho rengs/ zur 'chad grub dbang rje drung lags nas rje nyid la/ mang thos klu sgrub rgya mtsho'i gsung 'bum nang gi mgon po'i rjes gnang de gnang dgos zhu bar/ de 'dra zhig yod dgongs dbang khang du gnang song bas/ mngon rtogs ni dkyus ma dang / sngon 'gro'i gsung bshad la 'phags pa klu sgrub kyis rgyud las btus nas 'di mdzad/ man ngag rnams rje rdo rje 'chang dang mgon po dngos la gsan/ de nas bram ze mchog sred nas brgyud rje btsun sa skya par bka' babs/ spyir mgon po 'di la rjes gnang dang dbang bka' kha shas yod pa las/ 'di gur mgon khro bcu'i gtso bo de'i rjes gnang yin