[A:626]stong bcu gcig /las sngags chig 'bum/ drug khri/ brgyad stong / chig brgya go gcig bcas 'brug sbrul rta lug gi khongs song bar gyur to/ /de dag gi don bsdu na/ rin dang warNa'i brdas bstan 'byung gyur gtam/ /bod dang bod chen bdag po'i re 'bras rdzogs/ /'od gsal ngang du 'chol sngags byams snying gi /mtshon chas mi dge'i sems can bsgral zhes sgrogs/ /thabs dang shes rab e waM zung 'jug sgo /rten 'brel bzang po'i gnad kyi lag pa yis/ /phye ba'i grogs su 'tsho byed gzhon nu yang / /phyi nang gsang ba'i g.yang dkar drangs te lhags/ /las ngan mun par 'khyams pa'i bsam ngan sdig /me 'bar khrod du sbyangs nas ring po'i mgron/ /lugs zung snang bas ngoms mdzad drin can rje/ /'od mtha' yas pa'i dpal 'byor bdag de'o/ /zhes kyang smras so// // ! dgung grangs zhe brgyad du phebs pa me sprel rgyal zla'i tshes lngar lcang skya rdo rje 'chang gi sku mdun pa mdung nag zhabs drung 'byor rgyu'i tho rengs/ rje rdo rje 'chang nyid dbang khang na gnas gsar rdo rje 'chang la bka' chos zhu mur/ mangga la ku Ta'i sgra sgrub dang bcas gsung bshad rgyas po zhig mdzad pa 'khrungs pas/ de'i don ni bkra shis brtsegs pa zhes bya ba yin no/ /chos drug pa she 'grub sbyor nyin gzim chung gtor spod skabs/ gong gi rigs sras dam pa 'jam mgon gzhon nur gyur pa nas/ da nangs bka' bzhi thugs su chub pas da dpe 'dzin ji 'dra yong bka' stsal bar bskul bas/ thugs rje che/ da ltar rang gsal zhig 'bul dgos gsungs shing / thugs la glo bur du spre'u lo'i dbyar chos la gsung bshad gnang / de nas gser 'phyang mchu zla'i nang gzhan yang