[A:627]yong 'dra dgongs pa'i thugs spro dang bcas/ gtsug tor rnam rgyal gyi sgom bzlas grub ma thag lha'i nga rgyal brtan pos yab sras yum bcas nas gzabs bzhes dang bcas/ sku gsung thugs rten/ bzang dgu 'dzom pa'i spro zas/ mgul dar sogs stobs par sku yon khang du phebs lam 'char can dang 'gyed grabs bsham skya 'khyil dang / rtser lha bsangs grol ba'i lha rgyal/ mdung dar khra rog ge yod pa sogs rten 'brel bzang po dang bcas rgyal sras lam bzang stsal te thugs 'dzin gnang shig par shis brjod kyi me tog dang bcas phul/ de'i tshe mdzod 'dzin la gong gi gnas tshul rnams dang / lhag par bstan don gal che'i skor phyag bris thog nas gnang ba'i bka' grol/ mdung nag zhabs drung dge bshes bcos med nas maNDal gos dar sogs dngos po bzang dgu du ma dang / lhag par lcang skya rdo rje 'chang nas gsung shog gnang rten bzang pos sba ba'i gsung tshig tu/ thub bstan gsal bar byed pa'i sgron me dpal ldan sa skya paNDi ta zhes snyan par grags pa gang de'i zhabs drung du/ zhes dang / bkra shis kyis mtshan pa'i dus kyi char yang / 'gro ba yongs kyi dpal rmad du byung ba gzugs sku'i dkyil 'khor dwangs shing / mdzad khyab bzang po 'gran bral gyi ring nas/ zhes sogs kyi tshig sgra sogs che 'don mdzad rgyu'i thog ma'i dge ltas dang / zhabs drung der ngor lugs rig byed thun mong ma yin pa'i rjes gnang dang sbyin sreg yig lung / ngor chen dkon mchog lhun grub dang / rje nyid kyi ljags rtsom rig byed ma'i sgrub thabs rjes gnang lung / byin rten sogs re ba'i yol gong bkang zhing / de'i zhabs gras bu mo lo bcu gcig ma de bro 'tshal bar rje nyid nas bka' bsgo stsal