[A:629]gzigs chen por mjal phyag zhar la/ 'dir yang nag zla'i mjug tsam la 'byor ba 'dra/ zhes snyan du gsol/ nag zla'i 'gor sman chab la phebs thog ma mo'i ltag gi khang brtsegs mchod rten gog po de phal cher gshegs gsol gyis mi ring bar gsar bzhengs mdzad rgyur/ sngar gyi bzhugs yul dpa' log gis bkrol bas brling cha ma byung dogs/ skyed lhas me 'bar gyi mgon khang du brtag sgrig mdzad pas spor rung ba 'thon pa bzhin/ zla nang der byang chub mchod rten tshad ldan 'di nyid/ bod khams spyi dang bye brag bzang po'i yul gru 'di'i snod bcud legs tshogs spel phyir/ gsar bzhengs ring bsrel rnams bzhis phyur por gtams shing / phan yon byin rlabs kyi khyad par yang / gzhung las sangs rgyas bye ba 'bum phrag dgu bcu rtsa dgu sogs sangs rgyas tshad med pa dang / byang chub sems dpa' brgyad/ gnod sbyin gyi sde dpon brgyad/ gsang ba'i bdag po/ /rgyal chen bzhi/ tshangs pa/ dbang phyug /sred med bu rnams kyis mchod rten de chos skur byin gyis rlob cing / ring bsrel dang ldan par mdzad nas/ mchod pa dang bsnyen bkur mdzad pas yid bzhin gyi nor bu rin po che dang / rin po che bye ba khrag khrig brgya stong du ma las byas pa dang 'dra ba'i dge ba'i rtsa ba rgya che bas/ tshe ring nad med bgegs kyis mi tshugs/ mthong ngam/ de'i dril bu'i sgra thos sam/ mchod rten de'i mtshan thos pa tsam gyis kyang rigs drug gi sdug bsngal zhi zhing / mngon mtho dang nges legs 'grub par gsungs pa'i phan yon de rnams dang ldan pa yin lags/ sa ga zla nang ngor mkhan chen khang gsar ngag